Versoeter op WHO-lys geplaas
Henriette Lamprecht – ’n Kunsmatige versoeter wat algemeen in van dieetkoeldrank tot oor-die-toonbank-medikasie gebruik word, is Vrydag amptelik en vir eerste keer deur die Wêreldgesondheidsorganisasie (WHO) se Internasionale Agentskap vir Kankernavorsing (IARC) as “moontlik kankerwekkend (karsinogenies) vir mense” verklaar.
Volgens beamptes is net beperkte bewyse dat aspartaam kanker in mense kan veroorsaak en het gevolglik die versoeter as ’n IARC groep 2B-karsinogeen gelys. Laasgenoemde is ’n middel wat die moontlikheid het om kanker in lewende weefsel te veroorsaak.
Die IARC het vier vlakke van klassifikasie, naamlik karsinogenies, waarskynlik karsinogenies, moontlik karsinogenies en nieklassifiseerbaar. Elke vlak is gebaseer op die sterkte van die bewyse en nie spesifiek hoe gevaarlik ’n middel is nie. Produkte wat insluit van verwerkte vleis tot asbes tot elektromagnetiese velde wat met selfone geassosieer word, is al in die verlede een of ander keer as moontlike karsinogene verklaar, afhangend van gebruik.
Die WHO se gesamentlike komitee met kundiges oor voedselbymiddels (JECFA), sê die aanvaarbare daaglikse beperking op aspartaam is 40 mg vir elke kilogram liggaamsgewig. Die versoeter word sedert die 1980’s in verskeie produkte gebruik en wat onder meer kougom, gelatien, roomys, melkprodukte, soos jogurt, ontbytpap en tandepaste insluit. Die feit dat dit volgens die IARC “moontlik kanker in mense kan veroorsaak” beteken volgens die Voedsel- en Dwelm Administrasie (FDA) egter nie dat dit met kanker verbind word nie.
Volgens FDA-wetenskaplikes het hulle die wetenskaplike inligting ingesluit in die IARC se oorsig in 2021 ontleed toe dit die eerste keer beskikbaar gestel is. Verskeie beduidende tekortkominge is in die studies gevind waarop die IARC staatgemaak het.
JECFA het volgens die wetenskaplikes toe nie enige kommer geopper oor die veiligheid van aspertaam onder die huidige vlakke van gebruik nie en ook nie die aanvaarbare daaglikse inname (ADI) verander nie.
Die versoeter is reeds vir jare onderwerp aan omvattende studies. Verlede jaar het ’n studie in Frankryk onder 100 000 volwassenes bevind mense wat groter volumes kunsmatige versoeters, ingesluit aspertaam, gebruik, het ’n effens hoër risiko van kanker. Twee dekades vroeër het ’n studie in Italië bevind sommige kankers in muise en rotte is met aspertaam verbind.
Die Franse studie kon egter nie bewys aspartaam het die verhoogde kankerrisiko veroorsaak nie, terwyl daar vrae is oor die metodologie van die een in Italië.
Medical News Today haal ’n onkoloog verbonde aan die City of Hope Orange County Lennar Foundation Cancer Center in Kalifornië, dr. Misagh Karimi, aan wat maan dit is noodsaaklik om te verstaan die IARC oorweeg nie die risikoskaal van dié karsinogene nie.
“’n Groep 2B-karsinogeen is nie gelykstaande aan ’n definitiewe of selfs moontlike oorsaak van kanker nie,” het hy gesê.
Volgens Karimi beteken ’n groep 2B-klassifikasie, wat aalwyn en nikkel insluit, daar is enkele voorstelle en min bewyse wat navorsers laat glo aspartaam kan moontlik kanker veroorsaak.
WHO-reguleerders het sedert die tagtigs gesê die versoeter is veilig binne aanvaarbare daaglikse beperkinge. ’n Volwassene wat 60 kg weeg, moet tussen 12 tot 36 blikkies dieetkoeldrank daagliks drink en wat afhang van die hoeveelheid aspartaam in die koeldrank, om ’n risikogeval te wees.
Volgens dieetriglyne vir Amerikaners moet kinders onder twee geen suiker inneem nie, terwyl almal ouer as twee jaar se inname van suiker nie meer as 10% van hul daaglikse kalorieë of nie meer as 10 teelepels suiker per dag moet wees nie.
Gesondslui waarsku egter dit is te veel, met die Amerikaanse Hartvereniging wat sê nie meer as ses teelepels vir vroue en nie meer as nege teelepels suiker per dag vir mans nie. Kenners stel voor bygevoegde suiker moet sover moontlik vermy word en wat natuurlike suikers soos heuning insluit.
– Bykomende bronne: MedicalNewsToday; Telegraph World
– [email protected]
Volgens beamptes is net beperkte bewyse dat aspartaam kanker in mense kan veroorsaak en het gevolglik die versoeter as ’n IARC groep 2B-karsinogeen gelys. Laasgenoemde is ’n middel wat die moontlikheid het om kanker in lewende weefsel te veroorsaak.
Die IARC het vier vlakke van klassifikasie, naamlik karsinogenies, waarskynlik karsinogenies, moontlik karsinogenies en nieklassifiseerbaar. Elke vlak is gebaseer op die sterkte van die bewyse en nie spesifiek hoe gevaarlik ’n middel is nie. Produkte wat insluit van verwerkte vleis tot asbes tot elektromagnetiese velde wat met selfone geassosieer word, is al in die verlede een of ander keer as moontlike karsinogene verklaar, afhangend van gebruik.
Die WHO se gesamentlike komitee met kundiges oor voedselbymiddels (JECFA), sê die aanvaarbare daaglikse beperking op aspartaam is 40 mg vir elke kilogram liggaamsgewig. Die versoeter word sedert die 1980’s in verskeie produkte gebruik en wat onder meer kougom, gelatien, roomys, melkprodukte, soos jogurt, ontbytpap en tandepaste insluit. Die feit dat dit volgens die IARC “moontlik kanker in mense kan veroorsaak” beteken volgens die Voedsel- en Dwelm Administrasie (FDA) egter nie dat dit met kanker verbind word nie.
Volgens FDA-wetenskaplikes het hulle die wetenskaplike inligting ingesluit in die IARC se oorsig in 2021 ontleed toe dit die eerste keer beskikbaar gestel is. Verskeie beduidende tekortkominge is in die studies gevind waarop die IARC staatgemaak het.
JECFA het volgens die wetenskaplikes toe nie enige kommer geopper oor die veiligheid van aspertaam onder die huidige vlakke van gebruik nie en ook nie die aanvaarbare daaglikse inname (ADI) verander nie.
Die versoeter is reeds vir jare onderwerp aan omvattende studies. Verlede jaar het ’n studie in Frankryk onder 100 000 volwassenes bevind mense wat groter volumes kunsmatige versoeters, ingesluit aspertaam, gebruik, het ’n effens hoër risiko van kanker. Twee dekades vroeër het ’n studie in Italië bevind sommige kankers in muise en rotte is met aspertaam verbind.
Die Franse studie kon egter nie bewys aspartaam het die verhoogde kankerrisiko veroorsaak nie, terwyl daar vrae is oor die metodologie van die een in Italië.
Medical News Today haal ’n onkoloog verbonde aan die City of Hope Orange County Lennar Foundation Cancer Center in Kalifornië, dr. Misagh Karimi, aan wat maan dit is noodsaaklik om te verstaan die IARC oorweeg nie die risikoskaal van dié karsinogene nie.
“’n Groep 2B-karsinogeen is nie gelykstaande aan ’n definitiewe of selfs moontlike oorsaak van kanker nie,” het hy gesê.
Volgens Karimi beteken ’n groep 2B-klassifikasie, wat aalwyn en nikkel insluit, daar is enkele voorstelle en min bewyse wat navorsers laat glo aspartaam kan moontlik kanker veroorsaak.
WHO-reguleerders het sedert die tagtigs gesê die versoeter is veilig binne aanvaarbare daaglikse beperkinge. ’n Volwassene wat 60 kg weeg, moet tussen 12 tot 36 blikkies dieetkoeldrank daagliks drink en wat afhang van die hoeveelheid aspartaam in die koeldrank, om ’n risikogeval te wees.
Volgens dieetriglyne vir Amerikaners moet kinders onder twee geen suiker inneem nie, terwyl almal ouer as twee jaar se inname van suiker nie meer as 10% van hul daaglikse kalorieë of nie meer as 10 teelepels suiker per dag moet wees nie.
Gesondslui waarsku egter dit is te veel, met die Amerikaanse Hartvereniging wat sê nie meer as ses teelepels vir vroue en nie meer as nege teelepels suiker per dag vir mans nie. Kenners stel voor bygevoegde suiker moet sover moontlik vermy word en wat natuurlike suikers soos heuning insluit.
– Bykomende bronne: MedicalNewsToday; Telegraph World
– [email protected]
Kommentaar
Republikein
Geen kommentaar is op hierdie artikel gelaat nie