Verpleegsters 'uitgebuit'

Die Namibiese verpleegstersunie (Nanu) het die uitbuiting van verpleegsters deur die Namibiese regering en die kommerwekkende agteruitgang van die land se gesondheidsorgstelsel veroordeel. Nanu verwys in &#039;n verklaring na die drastiese verlaging in verpleegsters se betaling vir oortydbetaling. Ten spyte van hul werkslading wat aanhou styg en personeeltekorte, sê die vakbond verskeie streeksdirekteure van gesondheid is opdrag gegee om verpleegsters se oortydure te sny. In sommige gevalle is dit nou net 18 ure per maand. Die ironie volgens Nanu is egter dat verpleegsters die verlengde werksure aanteken weens &#039;n skaarste aan bronne en &#039;n hoë aantal pasiënte. "Ons het teleurstellende verslae uit streke soos Kunene en Otjozondjupa ontvang waar verpleegsters veronderstel is om van 08:00 tot 17:00 te werk by klinieke en nou gedwing word om naweke sonder oortydbetaling te werk. Oortyd word net betaal wanneer na &#039;n pasiënt omgesien is," sê Nanu se sekretaris-generaal Junias Shilungu. "Selfs al het &#039;n verpleegster die naweek by die kliniek op bystand bestee, gaan sy nie betaal word as sy nie na &#039;n pasiënt omgesien het nie. As jy ook net een pasiënt gesien het, word jy net daarvoor betaal en nie vir die ure wat gewag is nie. Dit wys ons tyd het nie waarde nie," het hy gesê. Weens die feit dat gesondheidsorggeriewe onderbeman is, sê Shilungu moet een verpleegster na 100 pasiënte omsien, iets wat volgens hom algemeen in landelike gebiede is. Nanu het weens die erns van die bogenoemde kwessies verskeie oplossings geëis om dit aan te spreek. Dit sluit in die voldoende betaling van oortydure soos per arbeidsregulasies, die beëindiging van werk buiten normale werksure sou die regering voortgaan met sy opdragte, sowel as die stop van naweek en verpligtinge na-ure tensy dit amptelik deur gesondheidsentrums verklaar word. Die vakbond vra ook vir die onmiddellike aanstelling van nog verpleegsters en dat uniforms dadelik voorsien moet word. "Die regering wil hê ons moet werk en kwaliteitdienste aan die nasie lewer, maar wil nie vir hierdie diens betaal nie," sê Shilungu. &#039;n Beroep word op die regering gedoen om teen 31 Augustus op die vakbond se griewe en eise te reageer. Indien nie, kan dit tot "ongespesifiseerde" optrede lei. "Ons kan nie nou bekendmaak wat ons optrede gaan behels nie, maar ons sal oorgaan tot aksie." - republikein@republikein.com.na

Verpleegsters 'uitgebuit'

Kommentaar

Republikein 2026-05-05

Meld asseblief aan om kommentaar te lewer

Verpleegsters 'uitgebuit'

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.