Veldtog wil wanvoeding bekamp
Eerste 1 000 dae uiters belangrik
'n Inligtingsessie oor wanvoeding en borsvoeding vir swanger ma's en kinders tot die ouderdom van twee jaar oud, is Donderdag in Gobabis aangebied.
Talle ouers en veral ma’s van die Omahekestreek het Donderdag by die Epako-kliniek in Gobabis byeengekom vir die 1 000 Dag Veldtog-geleentheid wat die ministerie van gesondheid en maatskaplike dienste in samewerking met die Wêreldgesondheidsorganisasie (WHO), die Wêreldvoedselprogram (WFP) en die Verenigde Nasies (VN) van stapel gestuur het.
Dié veldtog is aanvanklik in 2022 in die Otjozondjupa- en Ohangwenastreek begin na aanleiding van SADC se samevattende verslag (SADC Synthesis Report) wat aandui dat 7,1% van kinders in Namibië wanvoeding in die gesig staar en sowat 22,7% kinders slagoffers is van vertraagde groei en ontwikkeling.
Statistiek het egter getoon dat die Omahekestreek ’n groot behoefte aan so ’n veldtog het en daarom is dié streek ook by die veldtog ingesluit.
Die doel van die veldtog is om die gevalle van wanvoeding te verminder deur gesondheidswerkers, swanger vroue en vroue wat borsvoed en mense met MIV en vigs te bemagtig met inligtingsessie en kookdemonstrasies wat fokus op gesonde dieetkeuses. Dit fokus veral op die eerste 1 000 dae van ’n kind se lewe, insluitend die swangerskap fase tot en met twee jaar.
“Die belangrikheid van die eerste 1 000 dae kan nie oorskat word nie. Dit omsluit ’n tydperk van kwesbaarheid, waar die grondslag vir ’n gesonde en voorspoedige lewe gelê word. Ons is vandag hier om te pleit vir verandering, vir bewusmaking, en die belangrikste – vir optrede.”
So het die WFP se programbeleidsbeampte vir voedselstelsels, Ndaindila Haindongo, Donderdag gesê.
Die Otjinene-kiesafdeling se streekraadslid en voormalige parlementslid, Ervin Katjizeu, het ook tydens die geleentheid namens die goewerneur van die Omaheke gepraat.
“Die veldtog is ’n baken van hoop en ’n geleentheid om ons gemeenskappe te bemagtig en lewens te transformeer. Dit is ’n erkenning dat die voedingsgrondslag wat gedurende hierdie 1 000 dae gelê word nie net ’n blote faktor is nie, maar ’n deurslaggewende faktor vir ’n kind se toekoms.”
Volgens die WFP se programgenoot vir biotegnologie en voedselsekerheid, Shange-Ndamona Mungoba, het hulle ook vir die plaaslike gesondheidswerkers ’n driedagkursus aangebied.
“Ons leer hulle van die verskillende voedselgroepe, hoe om kos op die beste manier voor te berei en hoe om kos veilig te stoor om siektes te verhoed”
Sowat 130 gemeenskapslede het die geleentheid bygewoon.
–[email protected]
Dié veldtog is aanvanklik in 2022 in die Otjozondjupa- en Ohangwenastreek begin na aanleiding van SADC se samevattende verslag (SADC Synthesis Report) wat aandui dat 7,1% van kinders in Namibië wanvoeding in die gesig staar en sowat 22,7% kinders slagoffers is van vertraagde groei en ontwikkeling.
Statistiek het egter getoon dat die Omahekestreek ’n groot behoefte aan so ’n veldtog het en daarom is dié streek ook by die veldtog ingesluit.
Die doel van die veldtog is om die gevalle van wanvoeding te verminder deur gesondheidswerkers, swanger vroue en vroue wat borsvoed en mense met MIV en vigs te bemagtig met inligtingsessie en kookdemonstrasies wat fokus op gesonde dieetkeuses. Dit fokus veral op die eerste 1 000 dae van ’n kind se lewe, insluitend die swangerskap fase tot en met twee jaar.
“Die belangrikheid van die eerste 1 000 dae kan nie oorskat word nie. Dit omsluit ’n tydperk van kwesbaarheid, waar die grondslag vir ’n gesonde en voorspoedige lewe gelê word. Ons is vandag hier om te pleit vir verandering, vir bewusmaking, en die belangrikste – vir optrede.”
So het die WFP se programbeleidsbeampte vir voedselstelsels, Ndaindila Haindongo, Donderdag gesê.
Die Otjinene-kiesafdeling se streekraadslid en voormalige parlementslid, Ervin Katjizeu, het ook tydens die geleentheid namens die goewerneur van die Omaheke gepraat.
“Die veldtog is ’n baken van hoop en ’n geleentheid om ons gemeenskappe te bemagtig en lewens te transformeer. Dit is ’n erkenning dat die voedingsgrondslag wat gedurende hierdie 1 000 dae gelê word nie net ’n blote faktor is nie, maar ’n deurslaggewende faktor vir ’n kind se toekoms.”
Volgens die WFP se programgenoot vir biotegnologie en voedselsekerheid, Shange-Ndamona Mungoba, het hulle ook vir die plaaslike gesondheidswerkers ’n driedagkursus aangebied.
“Ons leer hulle van die verskillende voedselgroepe, hoe om kos op die beste manier voor te berei en hoe om kos veilig te stoor om siektes te verhoed”
Sowat 130 gemeenskapslede het die geleentheid bygewoon.
–[email protected]
Kommentaar
Republikein
Geen kommentaar is op hierdie artikel gelaat nie