Twee ambulanse vir 54 000 inwoners

Die Otjiwarongo-distrik se mediese nooddienste het net twee ambulanse wat in ’n werkende toestand is om ’n gebied met meer as 54 000 inwoners te bedien. Noodspanne word ook gekortwiek deur personeeltekorte, verouderde toerusting en ’n stygende aanvraag na pasiëntverwysings.Volgens die staatshospitaal op die dorp se noodsorgbeampte, Larissa Kurz, bedien die nooddienste buiten vir Otjiwarongo ook omliggende gebiede, insluitend Omaruru, Kalkfeld, Okakarara en nabygeleë klinieke – wat aansienlike druk op die beskikbare hulpbronne plaas.Kurz het die inligting met die Nasionale Raad se staande komitee oor vervoer en infrastruktuur gedeel, wat Otjiwarongo besoek het.Volgens haar verwys net Omaruru elke maand tussen 70 en 80 pasiënte na Otjiwarongo.Kurz sê ambulansspanne wat hierdie pasiënte vervoer, bestee gemiddeld ses tot sewe uur aan verwysingsritte. Dit verminder gevolglik die aantal beskikbare voertuie wat op noodgevalle in die distrik moet reageer. Die distrik het net 13 noodsorgpraktisyns, 'n getal wat Kurz as onvoldoende beskryf om aan operasionele eise te voldoen. Dit is veral die geval wanneer die skofrotasies, verlof en ander personeelvereistes in ag geneem word.Die afgelope twee jaar kon daar op net twee operasionale ambulanse staatgemaak word, sê Kurz. “Wanneer een ambulans op 'n noodgeval reageer, is net een beskikbaar. Daar is verskeie dae wanneer albei ambulanse uit is, wat ons sonder 'n ambulans laat om op noodgevalle te reageer,” het sy aan die komitee gesê.Sy het ook kommer uitgespreek oor die toestand van mediese noodtoerusting en sê die ambulanse is sonder die nodige toerusting voorsien. Personeel gebruik ook steeds toerusting wat reeds vir 30 tot 40 jaar in diens is, waarvan baie nie meer ten volle funksioneer nie.Volgens Kurz benodig die distrik dringend opgegradeerde toerusting en bykomende hulpbronne om die groeiende vraag na mediese vervoer te hanteer. – phillipus@nmh-hub.com.na

Twee ambulanse vir 54 000 inwoners

Kommentaar

Republikein 2026-09-03

Meld asseblief aan om kommentaar te lewer

Twee ambulanse vir 54 000 inwoners

Kommentaar

Republikein 2026-09-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.