Tender slaag, al is hy honderde miljoene duurder

’n Plaaslike maatskappy aan wie die bod toegestaan is vir die verskaffing van weggooibare chirurgiese handskoene aan die ministerie van gesondheid en maatskaplike dienste teen ’n koste van N$416,7 miljoen, is N$265,8 miljoen meer as dié van sy naaste teenstander. Dié inligting is vervat in ’n evalueringsverslag deur die Sentrale Verkrygingsraad van Namibië (CPBN).Die ministerie het tenders aangevra vir die voorsiening en aflewering van kliniese produkte. Die CPBN het 90 aanbiedinge van plaaslik geregistreerde maatskappye ontvang vir die verskaffing en aflewering van ’n groot verskeidenheid voorraad. Amnics Trading het voorkeur gekry bo Fresh Unit Medical Supplies (N$150,9 miljoen) en Trion Technology Solutions (N$193,2 miljoen) om die handskoene te verskaf. Amnics Trading was ook suksesvol teen twee ander maatskappye naamlik Trion Technologies en MMED Investments met ’n bod van N$20,8 miljoen vir die verskaffing van grootte 8 weggooibare chirurgiese handskoene. Amnics was N$11,1 miljoen duurder as Trion Technologies se bod van N$9,96 miljoen. MMED Investments se aanbod was N$12 miljoen. ’n Derde bod is aan dieselfde maatskappy toegestaan vir grootte 8.5 handskoene – wat N3,35 miljoen hoër as die tweede keuse was. Die verslag wys Amnics Trading se wenbod was N$6,25 miljoen teenoor die N$2,89 miljoen van Trion Technologies en MMED Investments se N$3,61 miljoen. Die tenderproses was oop vir maatskappye in Namibië waarvan nie minder nie as 51% aandele deur Namibiërs besit word en waarvan 30% van die aandele deur voorheen benadeelde persone besit word. Die CPBN se woordvoerder Johanna Kambala wou nie kommentaar lewer nie en het gesê die tenderdokumente verskaf al die inligting en spreek vanself. – republikein@republikein.com.na

Tender slaag, al is hy honderde miljoene duurder

Kommentaar

Republikein 2025-05-13

Meld asseblief aan om kommentaar te lewer

Tender slaag, al is hy honderde miljoene duurder

Kommentaar

Republikein 2025-05-13

Meld asseblief aan om kommentaar te lewer

MELD AAN

Advertensie