Stof oor kondoomsage wil nie gaan lê

Ogone Tlhage - Die kansellasie van &#039;n tender vir die verskaffing van mediese voorraad aan die ministerie van gesondheid en maatskaplike dienste was onwettig, sê die Sentrale Verkrygingsraad van Namibië (CPBN) se hersieningspaneel. Die CPBN het in Februarie die kansellasie van die tender aangekondig op grond daarvan dat "die totale totale koste van die betrokke tender die totale kosteberaming wat deur die openbare entiteit verskaf is, oorskry”.Dit is gebaseer op Artikel 54(1)(b) van die wet op openbare verkryging van 2015.Kenandai Tjivikua, voorsitter van die hersieningspaneel, het die mat onder die CPBN uitgepluk en gesê die besluit om die winsgewende tender te kanselleer, was onwettig. Dit volg op &#039;n appèl teen die kansellasie deur die voornemende verskaffer Taliindje Investments in Maart.“Die kennisgewing uitgereik deur [CPBN] en gedateer Februarie 2023, wat die tender kanselleer ... vir die ministerie van gesondheid word hiermee as ultra vires en onwettig verklaar en dus tersyde gestel,” het Tjivikua gesê.Die raad het nog beweegruimte om die tender te kanselleer as hulle dit so sou verkies, het hy bygevoeg.“Indien [CPBN] steeds die betrokke tender wil kanselleer, word sodanige kansellasie gedoen ingevolge die relevante bepalings van die wet en/of sy regulasies in plaas van Artikel 54 (1), ingevolge die voorafgaande besprekings van hierdie bevel, dat [die direksie] ’n aansoek om die kansellasie van die betrokke tender by die hersieningspaneel of die hoërhof van Namibië indien vir ’n besluit.”Duur foutDie CPBN sal nog beraadslaag oor die pad vorentoe ná Tjivikua se uitspraak, het Johanna Kambala, die raad se woordvoerder, gesê."Die CPBN het eers verlede week Woensdag die hersieningspaneelbevel ontvang, en daarom moet die direksie nog op hoogte gebring word en oor die saak besluit voordat CPBN kan sê waar hy staan," het sy gesê.Die ministerie van gesondheid en die CPBN het voorheen gewaarsku dat die kansellasie van die tenders vir die verskaffing van mediese voorraad wat onlangs ‘n openbare herrie ontlok het, &#039;n duur fout sou wees.Die CPBN het gesê daar is geen wetlike of morele grondslag om die tender te kanselleer nie, en bygevoeg selfs president Hage Geingob het geen direkte mag om dit te doen nie.Na aanleiding van die openbare herrie is president Hage Geingob selfs versoek om in te gryp, maar hy het gesê sedert die verandering in openbare verkrygingswetgewing is buite sy mag. Hy het egter &#039;n beroep op CPBN gedoen om die regte ding te doen.Miljoendollar ooreenkoms’n Deel van die tender is toegeken aan ’n drie jaar oue maatskappy in besit van die sakeman Shapwa Kanyama se maatskappy Amnics Trading, wat net drie mense op ’n permanente basis in diens gehad het.Die tender van N$650 miljoen sluit die verskaffing van chirurgiese handskoene vir N$400 miljoen, en kondome vir N$111 miljoen in, asook ander mediese voorraad.Dié kontrak was deel van die groep mediese tenders van N$2,8 miljard wat deur die CPBN toegeken is. - republikein@republikein.com.na

Stof oor kondoomsage wil nie gaan lê

Kommentaar

Republikein 2025-11-04

Meld asseblief aan om kommentaar te lewer

Stof oor kondoomsage wil nie gaan lê

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.