Sowat 15 babas sterf weens ‘tradisionele behandeling’

Owerhede skat sowat 15 babas het vanjaar by die huis gesterf weens tradisionele behandelings wat voortspruit uit die ontoeganklikheid van gesondheidsgeriewe.Die senior mediese beampte van die Nankudu-distrikshospitaal in die Kavango-Wesstreek, Glennson Haihambo, het hierdie opmerkings gemaak tydens ’n onlangse besoek deur amptenare van die kantoor van die presidentsvrou.Volgens hom hou die afstand tussen gesondheidsgeriewe en landelike gemeenskappe ernstige risiko’s in, veral vir pasiënte en verwagtende vroue wat soms sowat 200 kilometer moet reis om toegang tot gesondheidsgeriewe te verkry.“Wanneer ouers sien dat hul kind siek is en die hospitaal is ver, gebruik hulle tradisionele behandeling. Ongelukkig het sommige van hierdie tradisionele behandelings daartoe gelei dat babas doodgaan. Hierdie jaar alleen het ek reeds byna 15 babas gesertifiseer wat in hul huise gesterf het. “As jy na die oorsake van dood kyk, kan jy sien dat dit uit hierdie tradisionele behandelings voortspruit,” het hy gesê.Haihambo het voorgestel meer gesondheidsdienste moet nader aan die mense beskikbaar gestel word om te verhoed dat mense hulle tot tradisionele behandeling wend.“As ons gesondheidsdienste nader aan die mense bring, sal hulle die hospitale betyds kan bereik en verhoed dat hulle van tradisionele behandeling gebruik maak. Dit sal help om die aantal babas wat sterf, te verminder,” het hy bygevoeg.TEKORT AAN MEDIKASIE, DOKTERS’n Mediese beampte wat by die kraamsaal werk, Klementine Kabono, het gesê daar is ook ’n groot aantal babas wat gebore word voor hulle by die hospitaal aankom weens die lang afstand wat mense moet aflê.“Boonop staar ons uitdagings vir farmaseutiese voorsiening in die gesig, met baie medikasie wat dikwels uit voorraad is. Dit dwing ons soms om pasiënte wat keisersnee benodig na ander geriewe te verwys omdat ons ’n gebrek aan die nodige verdowingsmiddels het,” het Kabono bygevoeg.’n Tekort aan mediese professionele mense in die streek word glo ook ondervind, wat kommer wek oor die verskaffing van gesondheidsorg. Tans bedien slegs ses dokters die gebied met twee wat na verwagting binnekort die gebied gaan verlaat. Van die ses mediese dokters is slegs drie Namibiërs en die ander drie buitelanders.“Een van die buitelandse dokters vertrek hierdie maand en ’n ander een volgende maand. So, ons gaan net vier mediese dokters op grondvlak hê,” het sy gesê.Kabono het bygevoeg dat ondanks die feit dat byna 100 verwagtende vroue per maand opgeneem word, maak die hospitaal slegs op agt beddens staat, wat gesondheidspesialiste dwing om pasiënte met verskillende behoeftes en behandeling in ’n enkelkamer te meng.“As ons jou na ons kraamsaal neem, waar ons soms 71 pasiënte in ’n maand opneem, sal jy sien ons kapasiteit is net agt beddens. Wat gebeur as ons so 12 tot 16 opnames per dag het? Kraamsale ontvang pasiënte elke uur en alle gesondheidsentrums en -klinieke verwys hul pasiënte na ons,” het sy bygevoeg.– republikein@republikein.com.na

Sowat 15 babas sterf weens ‘tradisionele behandeling’

Kommentaar

Republikein 2025-10-31

Meld asseblief aan om kommentaar te lewer

Sowat 15 babas sterf weens ‘tradisionele behandeling’

Kommentaar

Republikein 2025-10-31

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.