Skole sukkel om ‘tjoefs’ uit te roei

’n Amptelike ondersoek na damprook by skole het voorstelle ontlok om die produk onder die jeug te verbied of te reguleer.Die skoolhoof van Donatus Sekondêre Skool op Otjiwarongo, se skoolhoof, Udo Behnke, het Maandag aan wetgewers gesê dat weggooibare damprook-toestelle of e-sigarette, algemeen bekend as “tjoefs”, ’n toenemende probleem inhou, met toestelle wat gereeld gekonfiskeer word. In sommige gevalle het die skool die hulp van die Namibiese polisie (Nampol) tydens beslagleggings en ondersoeke ingeroep.Dit is bekend gemaak tydens ’n besoek vandeesweek deur die Nasionale Raad se staande komitee oor gesondheid, maatskaplike welsyn en arbeidsake, wat ’n feitesending oor die toenemende gebruik van damprook- en nikotienprodukte onder leerlinge doen.Ná besoeke aan skole in die noordelike streke, is die komitee tans besig om met skole in die Otjozondjupastreek in gesprek te tree en sal sy toer in Omaheke afsluit voordat ’n verslag vir die parlement saamgestel word.Tydens die besoek aan Donatus Sekondêre Skool, het Behnke gesê damprook het ’n herhalende dissiplinêre kwessie by die skool geword.“Ons hanteer hierdie gevalle elke twee tot drie weke,” het hy aan die komitee gesê.Die skool het nie gevalle met “hubbly bubbly”-waterpype ervaar nie, maar het eerder gesien dat leerlinge toenemend weggooibare damprook-toestelle gebruik omdat dit makliker is om weg te steek en moeiliker is om op te spoor.Behnke het gesê leerlinge beskryf damprook dikwels as iets wat “ons goed laat voel” of “ons ‘cool’ laat voel”, met baie wat daarmee begin, omdat dit gewild is onder hul portuurgroep.“Hulle kan dit oral koop,” het Behnke gesê.“Die toestelle word oral in die dorp verkoop en die toegang is daar. Hopelik kry ons ’n wet wat werklike gevolge het,” het hy gesê.Behnke het gesê skole kan die probleem nie alleen aanpak nie.Hy het beweer dat sommige ouers onwetend – of in sommige gevalle doelbewus – vir kinders geld gee om die e-sigarette te koop.“Wanneer jy vra waar hulle die geld kry, sê party hulle kry dit van hul ouers. Dit maak dit baie moeilik, want dan moet jy die ouers deel van die oplossing maak,” het hy gesê.“Die kinders bring die meeste van hul tyd by die huis saam met hul ouers deur. Ons het daardie ondersteuning van ouers nodig, want hulle behoort te weet wat aan die gang is,” het hy gesê.Hoewel skoolreëls leerlinge verbied om e-sigarette na die skoolterrein te bring, het Behnke gesê sterker nasionale maatreëls kan nodig wees om hul beskikbaarheid te verminder.Die staande komitee se voorsitter, Joseph Sikongo, het gesê die parlementêre ondersoek beoog om vas te stel hoe wydverspreid damprook onder jongmense geword het en waar hulle die produkte in die hande kry.“Ons vra u welwillendheid om vir ons inligting te gee sodat dit ons help om ’n verslag te skryf wat in die parlement ter tafel gelê sal word, beleid sal beïnvloed en uiteindelik ’n wet kan maak wat dalk hierdie rookverwante produkte kan verbied of reguleer wat soos sampioene onder ons jongmense opskiet,” het Sikongo gesê.– phillipus@nmh-hub.com.na

Skole sukkel om ‘tjoefs’ uit te roei

Kommentaar

Republikein 2026-09-09

Meld asseblief aan om kommentaar te lewer

Skole sukkel om ‘tjoefs’ uit te roei

Kommentaar

Republikein 2026-09-09

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.