FOTO ARGIEF
FOTO ARGIEF

Parlement kry noodsorgeenheid

Twee verpleegsters beman kliniek
Die dood van twee parlementslede op die perseel het tot die opening van die kliniek gelei.
Henriette Lamprecht
Die parlement het ná konsultasies met verskeie rolspelers en in vennootskap met die ministerie van gesondheid en maatskaplike dienste ’n noodsorgeenheid op die perseel geopen.

Dit volg ná twee parlementslede die afgelope twee jaar op die perseel dood is. Mnr. Lotto Kuushomwa, ’n voormalige lid van die nasionale raad, en mnr. Ignatius Shixwameni van die Nasionale Vergadering (NV) het onderskeidelik in 2019 en 2021 albei op die perseel inmekaar gesak en gesterf.

Die eenheid is op die grondvloer in die noordelike eenheid van die NV-gebou geleë en is reeds sedert middel-April operasioneel. Dit is Maandae tot Vrydae gedurende werksure oop. Twee noodverpleegsters wat aan die ministerie verbonde is, beman die noodeenheid.

Die kliniek is oop vir dienende lede van die parlement en personeel van beide huise van die parlement, sowel as instellings wat naby geleë is - insluitend die kantoor van die eerste minister, die ministerie van internasionale betrekkinge en samewerking, sowel as die ministerie van inligting en kommunikasietegnologie.

[email protected]

Kommentaar

Republikein 2025-09-13

Geen kommentaar is op hierdie artikel gelaat nie

Meld asseblief aan om kommentaar te lewer