Otjiwarongo-hospitaal kort 32 dokters

Die Otjiwarongo-staatshospitaal het net agt uit die benodigde 40 dokters, wat dit met ’n tekort van 32 dokters laat. Die Otjozondjupa-streekraad se 2025-’26-verslag beskryf die tekort aan mediese dokters, veral by die Otjiwarongo-staatshospitaal, as ’n kritieke uitdaging wat die lewering van gesondheidsdienste aan inwoners van Otjiwarongo en omliggende gebiede raak.Die personeelgaping volg nadat die hospitaal se personeelstruktuur opgegradeer is na dié van ’n verwysingshospitaal, met volle implementering wat oor vyf jaar beplan word.Destyds het die hospitaal twee spesialiste gehad – ’n verloskundige en ’n pediater – terwyl mediese beamptes by die Otavi-gesondheidsentrum, Osire-kliniek en Mangettiduin-gesondheidsentrum gestasioneer was.In 2024 is ook aangemeld dat twee spesialiste in verloskunde en ginekologie en in pediatrie, asook vyf verpleegkundiges by die by Otjiwarongo-distrikshospitaal gewerf is.Die jongste syfers wys egter dat die hospitaal steeds 40 dokters benodig en tans net agt het.Die tekort word gerapporteer saam met ander ontwikkelings in die streek se gesondheidsektor.’n Dialisesentrum is by die Otjiwarongo-staatshospitaal gevestig, terwyl die Okondjatu-gesondheidsentrum voltooi en op 31 Julie 2026 ingewy is.Opknappings en kleiner kapitaalwerke ter waarde van N$7,86 miljoen is ook by gesondheidsgeriewe in die Okakarara-distrik, Orwetoveni, Etunda, Mangetti en Grootfontein uitgevoer.Die streek het gedurende die verslagtydperk ook verskeie siekte-uitbrekings aangeteken.Die cholera-uitbreking op Grootfontein is onder beheer gebring nadat 188 vermoedelike gevalle en 52 bevestigde gevalle aangeteken is, met geen sterftes nie.’n Masels-uitbreking het tot een sterfte gelei, terwyl meer as 21 000 mense vir malaria getoets is, met 1 601 wat positief getoets het en twee sterftes wat aangeteken is.WANVOEDINGMeer as 21 000 kinders is deur ’n siftingsproses vir wanvoeding, met 615 gevalle wat aangeteken is. Wanvoeding is ook as ’n oorsaak van 31 kindersterftes aangeteken.Die tekort aan dokters dra by die lank bestaande druk op Otjiwarongo se gesondheidsinfrastruktuur.In die streekrede van 2023 het die streek gesê die konstruksie van die Otjiwarongo-verwysingshospitaal bly hangende en is die ministerie van gesondheid en maatskaplike dienste versoek om die projek te bespoedig.Dieselfde verslag het gelui dat slegs 64% van ambulanse in die streek destyds operasioneel was.Die jongste verslag benadruk dat die tekort aan dokters toenemende druk op gesondheidsdienste waarmee die streek te kampe het, plaas.– phillipus@nmh-hub.com.na

Otjiwarongo-hospitaal kort 32 dokters

Kommentaar

Republikein 2026-09-03

Meld asseblief aan om kommentaar te lewer

Otjiwarongo-hospitaal kort 32 dokters

Kommentaar

Republikein 2026-09-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.