Oorgang was ‘moeilikste stap’, sê NHP

Die Namibia Health Plan (NHP) se oorgang na ’n nuwe bestuurde sorgreëling by Universal Healthcare vorm deel van ’n breër strategie wat deur gevestigde bestuursprosesse goedgekeur is om die fonds se langtermyn-volhoubaarheid te versterk, sorgbestuursvermoë en toesig te verbeter en die verantwoordelike gebruik van bydraes met verloop van tyd te ondersteun. Volgens NHP se hoofbeampte, Dantago Garosas, was die oorgang “die moeilikste stap” en ook die stap wat die fonds dwing om “meer veerkragtig, deursigtig en klinies gefokus te word”.Sy het in ’n verklaring gesê die belangrikheid en behoefte van die bestuurde sorgoorgang is bestem om NHP die vermoë te gee om sy langtermynvoordele in belang van sy lede en direkte belanghebbendes te verbeter.Volgens Garosas is die besluit vir die oorgang van Medscheme na Universal deur bestuursprosesse en met NHP se langtermynwaarde en lede-uitkomste in gedagte geneem. “Ons het hierdie verandering gemaak om te verseker die fonds bly sterk en kan aanhou om sy lede te ondersteun, terwyl dit ook verbeter hoe gesondheidsorg bestuur en gelewer word,” het sy verduidelik.In die verklaring erken Garosas die uitdagings wat die fonds die afgelope maand geteister het, waaronder eise van diensverskaffers wat nie verwerk en uitbetaal is nie.In dié verband is bykomende hulpbronne ontplooi en regstellende maatreëls in plek gesit om bedrywighede te stabiliseer.Volgens haar is die agterstand in eise vir April ingehaal en word ’n groot meederheid van lede se eise weer binne ’n normale tydsraamwerke verwerk.Garosas erken voortgesette uitdagings, insluitend die proses vir die vooraf goedkeuring van mediese prosedures wat nog nie na voortgesette diensvlakke vir alle gevalle teruggekeer het nie.Geteikende ingrypings is egter in plek en sluit toegewyde spanne in wat op hospitaalopnames en kliniese noodgevalle fokus.Sy het namens die fonds ’n uitnodiging aan lede en diensverskaffers gerig om deel te word van rolspelers se vergaderings met NHP op die aangewese platforms wat beskikbaar is, met spesifieke vergaderings wat vir 11 Mei geskeduleer is. Garosas het die versekering gegee NHP bly daarop gefokus om te verseker dat lede voortgaan om hul voordele in ooreenstemming met die fonds se geregistreerde reëls te ontvang.Sy het namens NHP opregte spyt uitgespreek oor die ontwrigting in dienslewering en tekortkominge in kommunikasie tydens die oorgang.Garosas erken ook die implementeringsproses het wesenlik te kort geskiet aan die fonds se verwagte operasionele en kommunikasiestandaarde.“NHP erken die beduidende frustrasie, ongerief en onsekerheid wat tydens die tydperk veroorsaak is en bied sy opregte verskoning aan alle geraakte rolspelers.”Sy het beklemtoon NHP is steeds daartoe verbind om vooruitgang “eerlik” te deel, insluitend waar uitdagings steeds voorkom en totdat diensvlakke ten volle herstel is. – henriette@republikein.com.na

Oorgang was ‘moeilikste stap’, sê NHP

Kommentaar

Republikein 2026-05-14

Meld asseblief aan om kommentaar te lewer

Oorgang was ‘moeilikste stap’, sê NHP

Kommentaar

Republikein 2026-05-14

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.