Nuwe ambulanse vir Kavango-Oos

Drie nuwe ambulanse is aan die ministerie van gesondheid en maatskaplike dienste in die Kavango-Oosstreek oorhandig. Volgens die streek se goewerneur, Hamunyera Hambyuka, sal die voertuie die streek se kapasiteit verhoog om vinnig en doeltreffend te reageer en sodoende meer lewens red en beter sorg aan pasiënte bied. Die nuwe ambulanse sluit ’n bussie in wat gebruik sal word om pasiënte te vervoer, terwyl twee by die staatshospitaal op Rundu ontplooi sal word. Foto Phillipus Josef