N$12,6 miljoen vir mediese vragmotors, rolstoele
Verbeterde kapasiteit
Die gesondheidsminister sê Namibië se netwerk vir farmaseutiese en kliniese voorrade is een van 'n paar van die beste funksionele netwerke in die streek.
Elizabeth Joseph - Die minister van gesondheid en maatskaplike dienste, dr. Kalumbi Shangula, het vandeesweek aangekondig vier vragmotors en 420 rolstoele – ter waarde van onderskeidelik N$10,6 miljoen en N$2 miljoen – sal vir die sentrale mediese store (CMS) aangeskaf word.
Die vragmotors sal gebruik word vir die vervoer en verspreiding van farmaseutiese en kliniese voorrade oraloor Namibië.
Shangula het ook die jaarlikse nasionale forum vir farmaseutiese dienste amptelik geopen. Die voorrade sal oor ’n sesweeklikse siklus landswyd onder 40 gesondheidsorgfasiliteite verdeel word.
Volgens die minister verskaf plaaslike mediese store en die geriewe wat direk deur die CMS bedien word, farmaseutiese en kliniese voorrade aan meer as 350 gesondheidsorgfasiliteite.
“Namibië bedryf ’n produk-geïntegreerde farmaseutiese voorsieningsketting waar die CMS – ’n afdeling binne die direktoraat van farmaseutiese dienste in die ministerie – verantwoordelik is vir die beplanning, berging en verspreiding van alle farmaseutiese en kliniese voorrade vir gebruik in alle plaaslike openbare gesondheidsfasiliteite in Namibië.
“Gebaseer op verskeie besoeke aan omliggende lande om die farmaseutiese en kliniese voorrade-netwerk te evalueer, kan ek met vertroue sê Namibië se netwerk vir farmaseutiese en kliniese voorrade is een van ’n paar van die beste funksionele netwerke in die streek.”
VEROUDERDE VLOOT
Shangula het uitdagings aangeroer wat verband hou met die toename in die vraag na dienste tesame met die ministerie se verouderende vloot.
“Die ministerie het besluit om die afleweringsvloot se kapasiteit te verbeter deur die verkryging van hierdie nuwe vragmotors.
“Een van die vragmotors is in 2021 aangekoop en die jongste drie het in 2023 aangekom. Die totale koste van hierdie vragmotors is na raming N$10,6 miljoen. Hierdie koste sluit die nodige modifikasies in om die vragmotors geskik te maak vir die doel wat hulle moet dien,” het hy bygevoeg.
Altesaam N$9,6 miljard van die nasionale begroting vir 2023-’24 is aan die ministerie van gesondheid toegeken.
“Voor die verkryging van die vier vragmotors wat ons vandag bekendstel, het die CMS se verspreidingsvloot net uit vyf vragmotors in staatsbesit bestaan.
“Hierdie vragmotors is verouderd en het hoë kilometerlesings. Dit maak nie net die bedryfskoste van die vloot baie hoog nie, maar die verouderde vloot was ook uiters onvoldoende om by ’n verhoogde afleweringsfrekwensie te hou,” het Shangula gesê.
NOG WERK Lê VOOR
Die ministerie het erken daar is ’n waglys vir rolstoele, met 590 kinders en meer as 1 200 volwassenes landswyd wat steeds op die lys is.
“Hierdie is ’n treffende herinnering aan die werk wat voorlê. Die huidige besending bestaan meestal uit rolstoele vir individue van volwasse grootte. Dit is dus belangrik dat die ministerie vinnig die volgende rondte van rolstoel-aankope, spesifiek vir kinders, moet doen,” het die minister gesê.
– [email protected]
Die vragmotors sal gebruik word vir die vervoer en verspreiding van farmaseutiese en kliniese voorrade oraloor Namibië.
Shangula het ook die jaarlikse nasionale forum vir farmaseutiese dienste amptelik geopen. Die voorrade sal oor ’n sesweeklikse siklus landswyd onder 40 gesondheidsorgfasiliteite verdeel word.
Volgens die minister verskaf plaaslike mediese store en die geriewe wat direk deur die CMS bedien word, farmaseutiese en kliniese voorrade aan meer as 350 gesondheidsorgfasiliteite.
“Namibië bedryf ’n produk-geïntegreerde farmaseutiese voorsieningsketting waar die CMS – ’n afdeling binne die direktoraat van farmaseutiese dienste in die ministerie – verantwoordelik is vir die beplanning, berging en verspreiding van alle farmaseutiese en kliniese voorrade vir gebruik in alle plaaslike openbare gesondheidsfasiliteite in Namibië.
“Gebaseer op verskeie besoeke aan omliggende lande om die farmaseutiese en kliniese voorrade-netwerk te evalueer, kan ek met vertroue sê Namibië se netwerk vir farmaseutiese en kliniese voorrade is een van ’n paar van die beste funksionele netwerke in die streek.”
VEROUDERDE VLOOT
Shangula het uitdagings aangeroer wat verband hou met die toename in die vraag na dienste tesame met die ministerie se verouderende vloot.
“Die ministerie het besluit om die afleweringsvloot se kapasiteit te verbeter deur die verkryging van hierdie nuwe vragmotors.
“Een van die vragmotors is in 2021 aangekoop en die jongste drie het in 2023 aangekom. Die totale koste van hierdie vragmotors is na raming N$10,6 miljoen. Hierdie koste sluit die nodige modifikasies in om die vragmotors geskik te maak vir die doel wat hulle moet dien,” het hy bygevoeg.
Altesaam N$9,6 miljard van die nasionale begroting vir 2023-’24 is aan die ministerie van gesondheid toegeken.
“Voor die verkryging van die vier vragmotors wat ons vandag bekendstel, het die CMS se verspreidingsvloot net uit vyf vragmotors in staatsbesit bestaan.
“Hierdie vragmotors is verouderd en het hoë kilometerlesings. Dit maak nie net die bedryfskoste van die vloot baie hoog nie, maar die verouderde vloot was ook uiters onvoldoende om by ’n verhoogde afleweringsfrekwensie te hou,” het Shangula gesê.
NOG WERK Lê VOOR
Die ministerie het erken daar is ’n waglys vir rolstoele, met 590 kinders en meer as 1 200 volwassenes landswyd wat steeds op die lys is.
“Hierdie is ’n treffende herinnering aan die werk wat voorlê. Die huidige besending bestaan meestal uit rolstoele vir individue van volwasse grootte. Dit is dus belangrik dat die ministerie vinnig die volgende rondte van rolstoel-aankope, spesifiek vir kinders, moet doen,” het die minister gesê.
– [email protected]
Kommentaar
Republikein
Geen kommentaar is op hierdie artikel gelaat nie