'n TB-vrye Namibië
Stigting fokus op bewusmaking
TB is 'n hoogs aansteeklike respiratoriese siekte en raak veral weerlose bevolkings soos kinders.
’n Voormalige tuberkulose (TB)-lyer wat die siekte oorwin het en self die stigma en diskriminasie ervaar het wat hand aan hand daarmee loop, het ’n stigting in die lewe geroep om as broodnodige mondstuk en bewusmaking te dien.
Karin Husselmann, ’n verpleegster met ’n meestersgraad in openbare gesondheid en tans dosent in gemeenskapgesondheidswetenskappe aan die Internasionale Universiteit van Bestuur (IUM), se hoop is dat die TB Free Foundation bewusmaking sal skep oor die verwoestende uitwerking van TB in kinders, tieners en volwassenes.
TB is ’n hoogs aansteeklike respiratoriese siekte en raak veral weerlose bevolkings soos kinders en sosiaal-benadeelde mense.
Hoewel Karin reeds jare gelede haar reis as kampvegter begin het, het sy dit egter eers tydens Wêreld-TB-dag in 2021 “amptelik” afgeskop en op die voorgrond getree tydens ’n fietsrit om bewusmaking te skep. Sy het ’n rit van 60 km vanaf Oshikango tot Eenhana voltooi. Verlede jaar het die fietsryspan van Dundee Precious Metals se Copper-sportklub op Tsumeb by haar aangesluit om die 70 km vanaf Omethiya tot by die Onandjokwe-hospitaal te trap.
Vanjaar se rit vir ’n TB-vrye Namibië is vanaf Manghetti tot by Tsumkwe.
“Met elke trap dink ek aan en bid vir elke persoon met TB. Ek vertrou dat die aksie van trap my fiets vorentoe laat beweeg. So is die hoop ook dat die inligting wat deur middel van die TB-vrye fietsritte versprei word, ook gemeenskappe toerus om die land vorentoe te laat beweeg met ’n nuwe visie om dié ou vyand vir eens en vir altyd hok te slaan,” sê Karin.
“Ek glo sterk God gebruik ons diepste pyn en hartseer as ’n afsetpunt vir ons ware roeping.”
Sy hoop om met die stigting die hoë kwaliteit van sorg en behandeling “vir elke enkele TB-lyer” deur middel van voorspraak te verseker en te ondersteun, terwyl dit ook stigma en diskriminasie op alle vlakke in die land afbreek.
Een van die sleutelaktiwiteite is sterk betrokkenheid en sigbaarheid tydens die Namibië se herdenking van Wêreld-TB-dag wat vandag gevier word.
Die stigting se slagspreuk, “Breek struikelblokke, beëindig TB” sluit aan by die doelwit van die ministerie van gesondheid en maatskaplike dienste om TB-gevalle van die huidige 457 per 100 000 tot 50 per 100 000 te verminder. Laasgenoemde deur middel van buiten die skep van algemene bewusmaking, ook watter dienste landswyd vir diagnose, behandeling en ook voorkoming in die land beskikbaar is.
“Met die hulp en ondersteuning van eensgesinde skenkers, beide nasionaal en internasionaal en deur middel van doelbewuste pogings van verskeie rolspelers kan die TB Free Foundation die ministerie help om sy doelwit te bereik.”
Buiten om betyds met waardigheid en respek gediagnoseer, versorg en behandel te word, verdien elke kind, tiener en volwassene in Namibië ook die reg om voldoende teen die siekte en deur middel van voorkomende terapie (TPT) waar nodig behandel te word, sê Karin.
Deel van die stigting is die CCC4TB-projek waar korporatiewe rolspelers, kerke en gemeenskappe voedselpakkies vir kinders op Tsumkwe met TB borg. Tans word 155 pakkies ingesamel wat van droë bestanddele tot blikkies vis en grondboontjiebotter sal bevat. Die hoop is ook om TB-pasiënte te help met die aanlê van ’n eie groentetuin en om inwoners aan te spoor om dié siekte in gedagte te hou wanneer hulle hoes.
“Dit fokus op ‘think, test and treat’. As jy nie behandeling kry nie, kan jy binne ’n jaar tot 20 mense en meer aansteek. Dit fokus op die onderdrukking van die kiem om te vermeerder en is ’n manier om te keer dat jy weer die volgende persoon aansteek.”
Karin en haar stigting werk ook saam met nog ’n TB-oorwinnaar, André J. Gariseb, in gemeenskappe en veral met mans om hulle sover te kry om gesondheidsgeriewe te besoek. Sy wil graag ook TB-“kampioene” met kennis bemagtig om in gemeenskappe te werk en bewusmaking onder inwoners te skep, terwyl die stigting ook meer kinders en die jeug by veldtogte en projekte wil betrek. Ook in die pyplyn is die gebruik van e-fietse (e-bikes) deur gesondheidswerkers in Tsumkwe om pasiënte vinniger te bereik.
Die stigting kan by [email protected] of 081 407 0029 vir meer inligting gekontak word.
– [email protected]
Karin Husselmann, ’n verpleegster met ’n meestersgraad in openbare gesondheid en tans dosent in gemeenskapgesondheidswetenskappe aan die Internasionale Universiteit van Bestuur (IUM), se hoop is dat die TB Free Foundation bewusmaking sal skep oor die verwoestende uitwerking van TB in kinders, tieners en volwassenes.
TB is ’n hoogs aansteeklike respiratoriese siekte en raak veral weerlose bevolkings soos kinders en sosiaal-benadeelde mense.
Hoewel Karin reeds jare gelede haar reis as kampvegter begin het, het sy dit egter eers tydens Wêreld-TB-dag in 2021 “amptelik” afgeskop en op die voorgrond getree tydens ’n fietsrit om bewusmaking te skep. Sy het ’n rit van 60 km vanaf Oshikango tot Eenhana voltooi. Verlede jaar het die fietsryspan van Dundee Precious Metals se Copper-sportklub op Tsumeb by haar aangesluit om die 70 km vanaf Omethiya tot by die Onandjokwe-hospitaal te trap.
Vanjaar se rit vir ’n TB-vrye Namibië is vanaf Manghetti tot by Tsumkwe.
“Met elke trap dink ek aan en bid vir elke persoon met TB. Ek vertrou dat die aksie van trap my fiets vorentoe laat beweeg. So is die hoop ook dat die inligting wat deur middel van die TB-vrye fietsritte versprei word, ook gemeenskappe toerus om die land vorentoe te laat beweeg met ’n nuwe visie om dié ou vyand vir eens en vir altyd hok te slaan,” sê Karin.
“Ek glo sterk God gebruik ons diepste pyn en hartseer as ’n afsetpunt vir ons ware roeping.”
Sy hoop om met die stigting die hoë kwaliteit van sorg en behandeling “vir elke enkele TB-lyer” deur middel van voorspraak te verseker en te ondersteun, terwyl dit ook stigma en diskriminasie op alle vlakke in die land afbreek.
Een van die sleutelaktiwiteite is sterk betrokkenheid en sigbaarheid tydens die Namibië se herdenking van Wêreld-TB-dag wat vandag gevier word.
Die stigting se slagspreuk, “Breek struikelblokke, beëindig TB” sluit aan by die doelwit van die ministerie van gesondheid en maatskaplike dienste om TB-gevalle van die huidige 457 per 100 000 tot 50 per 100 000 te verminder. Laasgenoemde deur middel van buiten die skep van algemene bewusmaking, ook watter dienste landswyd vir diagnose, behandeling en ook voorkoming in die land beskikbaar is.
“Met die hulp en ondersteuning van eensgesinde skenkers, beide nasionaal en internasionaal en deur middel van doelbewuste pogings van verskeie rolspelers kan die TB Free Foundation die ministerie help om sy doelwit te bereik.”
Buiten om betyds met waardigheid en respek gediagnoseer, versorg en behandel te word, verdien elke kind, tiener en volwassene in Namibië ook die reg om voldoende teen die siekte en deur middel van voorkomende terapie (TPT) waar nodig behandel te word, sê Karin.
Deel van die stigting is die CCC4TB-projek waar korporatiewe rolspelers, kerke en gemeenskappe voedselpakkies vir kinders op Tsumkwe met TB borg. Tans word 155 pakkies ingesamel wat van droë bestanddele tot blikkies vis en grondboontjiebotter sal bevat. Die hoop is ook om TB-pasiënte te help met die aanlê van ’n eie groentetuin en om inwoners aan te spoor om dié siekte in gedagte te hou wanneer hulle hoes.
“Dit fokus op ‘think, test and treat’. As jy nie behandeling kry nie, kan jy binne ’n jaar tot 20 mense en meer aansteek. Dit fokus op die onderdrukking van die kiem om te vermeerder en is ’n manier om te keer dat jy weer die volgende persoon aansteek.”
Karin en haar stigting werk ook saam met nog ’n TB-oorwinnaar, André J. Gariseb, in gemeenskappe en veral met mans om hulle sover te kry om gesondheidsgeriewe te besoek. Sy wil graag ook TB-“kampioene” met kennis bemagtig om in gemeenskappe te werk en bewusmaking onder inwoners te skep, terwyl die stigting ook meer kinders en die jeug by veldtogte en projekte wil betrek. Ook in die pyplyn is die gebruik van e-fietse (e-bikes) deur gesondheidswerkers in Tsumkwe om pasiënte vinniger te bereik.
Die stigting kan by [email protected] of 081 407 0029 vir meer inligting gekontak word.
– [email protected]
Kommentaar
Republikein
Geen kommentaar is op hierdie artikel gelaat nie