Man eis miljoene ná amputasie
Been bo die knie afgesit
Die dokter sê in sy verklaring daar is geen verband tussen 'n ondersoekende laparotomie en die voorkoms van 'n aarbesering nie.
’n Inwoner van Katima Mulilo dagvaar ’n private hospitaal op die dorp vir miljoene in skadevergoeding nadat sy regterbeen bo die knie geamputeer moes word.
Dit nadat die are in sy been in só ’n mate beskadig is dat dit tot ’n gebrek aan bloedtoevoer gelei het.
Ollins Mabuku Mulatehi het in November 2020 ’n laparotomie in die Enkehaus Private Hospitaal ondergaan om moontlike blindedermontsteking weens erge buik- en rugpyn te ondersoek en te bevestig. Laasgenoemde is ’n prosedure wat ’n chirurgiese insnyding deur die buikwand behels om toegang tot die buikholte te verkry vir ondersoeke.
Sy blindederm is nooit deur dr. Kombo Bakashala verwyder nie en die voortgesette pyn wat hy ook in sy regterbeen ervaar het, het tot so ’n mate vererger dat hy na die private hospitaal op Rundu en later na die Lady Pohamba Private Hospitaal in die hoofstad oorgeplaas is. Daar is bevind sy been is “klinies dood” weens ’n gebrek aan bloedvloei en dit moes geamputeer word.
Bakashala, saam met Enkehaus Private Hospitaal en die ministerie van gesondheid en maatskaplike dienste as die verweerders, sê egter in sy verklaring daar is geen verband tussen ’n ondersoekende laparotomie en die voorkoms van ’n aarbesering nie. Volgens hom sou enige aarbloeding veroorsaak dat Mulatehi dadelik op die operasietafel uitbloei en sterf.
Volgens Bakashala is geen vaskulêre herstel tydens die laparotomie gedoen nie omdat hy nie die vaardighede daarvoor het nie en dit die kundigheid van ’n vaskulêre chirurg sou vereis.
Mulatehi is op 20 November 2020 eers in die staatshospitaal op Katima Mulilo opgeneem nadat hy van erge buik- en rugpyn gekla het, maar is later na die Enkehaus Private Hospitaal oorgeplaas – waar Bakashala die leisels van sy behandeling oorgeneem het.
Die dokter sê in sy verklaring hy het vermoed dit is blindedermontsteking en het ’n laparotomie uitgevoer. Mulatehi se blindederm kon nie verwyder word nie en Bakashala het voorgestel dat dit gedoen word wanneer hy ten volle herstel het.
Mulatehi het weer gekla van pyn in sy regterbeen, terwyl sy kuit effens geswel en warm was. Hy is volgens Bakashala met diepaartrombose (DVT) gediagnoseer en dieselfde aand is besluit om hom na die Rundu Private Hospitaal oor te plaas vir ’n Doppler-ultraklanktoets en skandering omdat dié dienste nie toe by Enkehaus beskikbaar was nie.
Mulatehi beweer in sy beëdigde verklaring sy regterbeen het ná die laparotomie krapmerke gehad en was geswel. Hy beweer hy is eers die volgende dag gehelp en is later deur van die personeel ingelig die oorsaak van die pyn in sy been was as gevolg van ’n ongeluk ná afloop van die laparotomie terwyl hy in die herstelkamer was.
Volgens die personeellid het Mulatehi na bewering bygekom van die narkose, aggressief opgetree en sy regterbeen teen ’n metaalvoorwerp gestamp. Omdat sy toestand nie verbeter het nie, is besluit om hom op 22 November na die private hospitaal op Rundu oor te plaas. Hier is hy verwys na ’n spesialis en algemene en vaskulêre chirurg by Lady Pohamba – waar sy regterbeen bo die knie afgesit is.
Mulatehi, ’n voorman by Nored op Katima Mulilo, eis N$9,5 miljoen vir onder meer verlies aan inkomste, algemene skade en toekomstige mediese uitgawes.
– [email protected]
Dit nadat die are in sy been in só ’n mate beskadig is dat dit tot ’n gebrek aan bloedtoevoer gelei het.
Ollins Mabuku Mulatehi het in November 2020 ’n laparotomie in die Enkehaus Private Hospitaal ondergaan om moontlike blindedermontsteking weens erge buik- en rugpyn te ondersoek en te bevestig. Laasgenoemde is ’n prosedure wat ’n chirurgiese insnyding deur die buikwand behels om toegang tot die buikholte te verkry vir ondersoeke.
Sy blindederm is nooit deur dr. Kombo Bakashala verwyder nie en die voortgesette pyn wat hy ook in sy regterbeen ervaar het, het tot so ’n mate vererger dat hy na die private hospitaal op Rundu en later na die Lady Pohamba Private Hospitaal in die hoofstad oorgeplaas is. Daar is bevind sy been is “klinies dood” weens ’n gebrek aan bloedvloei en dit moes geamputeer word.
Bakashala, saam met Enkehaus Private Hospitaal en die ministerie van gesondheid en maatskaplike dienste as die verweerders, sê egter in sy verklaring daar is geen verband tussen ’n ondersoekende laparotomie en die voorkoms van ’n aarbesering nie. Volgens hom sou enige aarbloeding veroorsaak dat Mulatehi dadelik op die operasietafel uitbloei en sterf.
Volgens Bakashala is geen vaskulêre herstel tydens die laparotomie gedoen nie omdat hy nie die vaardighede daarvoor het nie en dit die kundigheid van ’n vaskulêre chirurg sou vereis.
Mulatehi is op 20 November 2020 eers in die staatshospitaal op Katima Mulilo opgeneem nadat hy van erge buik- en rugpyn gekla het, maar is later na die Enkehaus Private Hospitaal oorgeplaas – waar Bakashala die leisels van sy behandeling oorgeneem het.
Die dokter sê in sy verklaring hy het vermoed dit is blindedermontsteking en het ’n laparotomie uitgevoer. Mulatehi se blindederm kon nie verwyder word nie en Bakashala het voorgestel dat dit gedoen word wanneer hy ten volle herstel het.
Mulatehi het weer gekla van pyn in sy regterbeen, terwyl sy kuit effens geswel en warm was. Hy is volgens Bakashala met diepaartrombose (DVT) gediagnoseer en dieselfde aand is besluit om hom na die Rundu Private Hospitaal oor te plaas vir ’n Doppler-ultraklanktoets en skandering omdat dié dienste nie toe by Enkehaus beskikbaar was nie.
Mulatehi beweer in sy beëdigde verklaring sy regterbeen het ná die laparotomie krapmerke gehad en was geswel. Hy beweer hy is eers die volgende dag gehelp en is later deur van die personeel ingelig die oorsaak van die pyn in sy been was as gevolg van ’n ongeluk ná afloop van die laparotomie terwyl hy in die herstelkamer was.
Volgens die personeellid het Mulatehi na bewering bygekom van die narkose, aggressief opgetree en sy regterbeen teen ’n metaalvoorwerp gestamp. Omdat sy toestand nie verbeter het nie, is besluit om hom op 22 November na die private hospitaal op Rundu oor te plaas. Hier is hy verwys na ’n spesialis en algemene en vaskulêre chirurg by Lady Pohamba – waar sy regterbeen bo die knie afgesit is.
Mulatehi, ’n voorman by Nored op Katima Mulilo, eis N$9,5 miljoen vir onder meer verlies aan inkomste, algemene skade en toekomstige mediese uitgawes.
– [email protected]
Kommentaar
Republikein
Geen kommentaar is op hierdie artikel gelaat nie