Konferensie bring hoop vir kankersorg

Namibië is die gasheer vir ’n konferensie wat ten doel het om navorsing in Afrika tot tasbare optrede te bring en ontdekkings in praktiese oplossings vir die sorg van kankerlyers – plaaslik en op die res van die vasteland – te verander.Wêreldkenners, navorsers, klinici en beroepslui in die biotegnologiebedryf vergader volgende week in Windhoek met die fokus op die baanbrekende navorsing van kankergenomika.’n Genoom is die volledige stel DNS-instruksies wat in elke sel van ’n organisme gevind word. DNS dra die biologiese kode wat elke spesie en elke persoon uniek maak. Genomika is die studie van al ’n persoon se gene (die genoom), insluitend die interaksie van die gene met mekaar en met die persoon se omgewing.Die konferensie word onder die vaandel “Die benutting van funksionele genomika in kankernavorsing: Geleenthede vir diagnose en behandeling” deur die Namibië Universiteit van Wetenskap en Tegnologie (Nust) aangebied en fokus op die vinnig ontwikkelende gebied van kankergenomika.In gesondheidsorg word genomika gebruik om genetiese siektes te diagnoseer, geteikende terapieë te ontwikkel, te voorspel wie ’n risiko vir toestande (soos onder meer kanker, diabetes of hartsiektes) kan hê en om geneesmiddelontwikkeling te verbeter deur behandelings op elke pasiënt aan te pas.Vordering in kankergenomika hou die belofte in om meer doeltreffende kankerterapeutiese strategieë te ontwikkel wat aangepas is vir die unieke genetiese en omgewingskontekste van Afrika-bevolkings.Die konferensie kom op ’n kritieke tydstip gegewe die skerp styging in kankergevalle in Namibië en die res van die vasteland, sê prof. Lamech Mwapagha, assosiaat-professor in biochemie by Nust.Met prostaat-, bors- en servikale kanker wat verantwoordelik is vir ’n beduidende siektelas en ’n diepgaande impak op sterftes en morbiditeit in Namibië, is die konferensie volgens hom nie net ’n “akademiese oefening nie, maar ’n direkte reaksie tot een van die dringendste gesondheidsuitdagings wat ons nasie in die gesig staar”.Volgens Mwapagha ervaar die land se nasionale kankerregister steeds leemtes in die integrasie van data, die desentralisasie van sorg, asook beleidsraamwerke.“Deur kundiges en belanghebbendes byeen te bring, kan die konferensie samewerking met navorsing, die deel van data en ook beleidsdialoog te weeg bring wat hierdie uitdagings takel in &#039;n konteks wat relevant is vir Namibië en met [Nust] wat goed geposisioneer is om hierdie agenda vorentoe te dryf,” het Mwapagha beklemtoon.Volgens hom kan Nust deur middel van die navorsing van kankergenomika en die bevordering van presisie-geneeskunde, die oordrag van tegnologie asook opleidingsgeleenthede vir plaaslike wetenskaplikes, klinici en studente bevorder.“Dit sal beide ons wetenskaplike gemeenskap en ons kliniese kapasiteit versterk om op kanker te reageer.”Deur gasheer vir die konferensie te speel, word ’n basis ook volgens Mwapagha geskep vir volhoubare samewerking en multisektorale beleggings in kankerbeheer.Die konferensie word ook deur toonaangewende kankerorganisasies, insluitend die Amerikaanse Vereniging vir Kliniese Onkologie (ASCO) en die Afrika-Vereniging vir Laboratoriumgeneeskunde (ASLM), onderskryf wat die geloofwaardigheid en impak daarvan aansienlik verhoog.Mwapagha is al meer as 15 jaar betrokke by die veld van genomika, met ’n voortgesette fokus opkankergenomika-navorsing.As medeprofessor en navorser by Nust lei hy verskeie studies wat gene se uitdrukkingspatrone en strukturele variante in kankers, insluitend kop- en nek-, prostaat-, lewer- en esofageale (slukderm) kwaadaardige gewasse ondersoek. Sy navorsingsportefeulje strek verder tot die menslike mikrobioom,antimikrobiese weerstand en patogeengenomika.Die grensverskuiwende konferensie vind van 24 tot 26 September by die Hilton Hotel in Windhoek plaas.– republikein@republikein.com.na

Konferensie bring hoop vir kankersorg

Kommentaar

Republikein 2025-11-03

Meld asseblief aan om kommentaar te lewer

Konferensie bring hoop vir kankersorg

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.