Jou kans om iemand se lewe te kan red
1 uit tot 400 000 kans vir geskikte skenker
Verskeie Namibiese pasiënte met bloedkanker en ander lewensgevaarlike toestande benodig stamseloorplantings, tog vind baie min geskikte skenkers weens die beperkte skenkerpoel en die behoefte aan noue genetiese versoenbaarheid.
Henriette Lamprecht - Namibië staar tans ’n ernstige tekort aan geregistreerde stamselskenkers in die gesig, met net 800 individue op die register in vergelyking met die 80 000 in buurland, Suid-Afrika.
Jaarliks benodig dosyne Namibiese pasiënte met bloedkanker en ander lewensgevaarlike toestande stamseloorplantings, tog vind baie min geskikte skenkers weens die beperkte skenkerpoel en die behoefte vir noue genetiese versoenbaarheid.
Die Namibiese Onkologiesentrum (NOC) en die Kankervereniging van Namibië (CAN) het hande gevat met die internasionale Matches on the Map-bewusmakingsveldtog om Namibië se dringende behoefte aan stamselskenkers te takel.
’n Ondersteunende registrasie van stamselskenkers vind vandag vanaf 09:00 tot 14:00 by NOC in Heliodoorstraat 3 in Eros plaas.
“Dis vir ons ’n eer om die gasheer te wees van CAN se noodsaaklike inisiatief,” sê Anthea van Wyk, NOC se besturende direkteur.
“Met die moontlikheid van ’n geskikte skenker wat wissel van een uit 100 000 tot een uit 400 000 afhangende van etniese agtergrond, kan elke nuwe registrasie wat danksy hierdie vennootskap die lig sien, ’n tweede kans op lewe vir iemand in ons gemeenskap bied,” het sy gesê.
Die Matches on the Map-veldtog is die breinkind van die Suid-Afrikaanse kankeroorlewende, Robin Lewis, en sy vrou, Jolandie, en is die wêreld se eerste interkontinentale bewusmakingsveldtog vir stamselskenkings wat deur CAN na Namibië gebring is.
Robin en Jolandie beplan om 64 lande in hul ekovriendelike vragmotor, Betsy, te besoek. Die doel is om buiten potensiële skenkers te registreer, ook stories van hoop en dapperheid te deel. Hul reis deur Namibië het reeds tot suksesvolle registrasies in Keetmanshoop, !Nami?Nûs en Mariental gelei.
“As iemand wat kanker danksy ’n stamseloorplanting oorleef het, ken ek die desperate hoop om vir ’n geskikte skenker te wag,” sê Robin.
“Baie mense besef nie om op die register te kom is ’n vinnige en pynlose proses nie – ’n eenvoudige weefselmonster uit jou wang en ’n kort vraelys.
“Die werklike skenking, wanneer dit nodig is, is gewoonlik so eenvoudig soos om bloed te skenk,” het hy verduidelik.
Vrydag vind nog ’n registrasieveldtog by Independence Plaza in die hoofstad se sentrale sakekern plaas. Gesonde individue tussen 16 en 45 jaar kan registreer, met die registrasie wat tussen 15 en 20 minute duur.
’n Kundige span sal by NOC en ook Vrydag byderhand wees om vrae te beantwoord en enige mites oor die skenk van stamselle uit die weg ruim.
Dr. Kudakwashe Simba, kliniese hematoloog by NOC, verduidelik die meerderheid van die skenkings word deur middel van perifere bloedstamselversameling gedoen, nie chirurgie nie.
“Ongelukkig verhinder wanopvattings en ’n gebrek aan inligting talle potensiële skenkers om te registreer,” het hy gesê.
Belangstellendes wat nie die twee registrasieveldtogte in Windhoek kan bywoon nie, kan aanlyn registreer op die webtuiste van die Suid-Afrikaanse Beenmurgregister (SABMR), wat tans ook as Namibië se register dien.
Vir meer inligting kan NOC se Victoria Kangombe by [email protected] of 264 83 330 5053 gekontak word. – [email protected]
Jaarliks benodig dosyne Namibiese pasiënte met bloedkanker en ander lewensgevaarlike toestande stamseloorplantings, tog vind baie min geskikte skenkers weens die beperkte skenkerpoel en die behoefte vir noue genetiese versoenbaarheid.
Die Namibiese Onkologiesentrum (NOC) en die Kankervereniging van Namibië (CAN) het hande gevat met die internasionale Matches on the Map-bewusmakingsveldtog om Namibië se dringende behoefte aan stamselskenkers te takel.
’n Ondersteunende registrasie van stamselskenkers vind vandag vanaf 09:00 tot 14:00 by NOC in Heliodoorstraat 3 in Eros plaas.
“Dis vir ons ’n eer om die gasheer te wees van CAN se noodsaaklike inisiatief,” sê Anthea van Wyk, NOC se besturende direkteur.
“Met die moontlikheid van ’n geskikte skenker wat wissel van een uit 100 000 tot een uit 400 000 afhangende van etniese agtergrond, kan elke nuwe registrasie wat danksy hierdie vennootskap die lig sien, ’n tweede kans op lewe vir iemand in ons gemeenskap bied,” het sy gesê.
Die Matches on the Map-veldtog is die breinkind van die Suid-Afrikaanse kankeroorlewende, Robin Lewis, en sy vrou, Jolandie, en is die wêreld se eerste interkontinentale bewusmakingsveldtog vir stamselskenkings wat deur CAN na Namibië gebring is.
Robin en Jolandie beplan om 64 lande in hul ekovriendelike vragmotor, Betsy, te besoek. Die doel is om buiten potensiële skenkers te registreer, ook stories van hoop en dapperheid te deel. Hul reis deur Namibië het reeds tot suksesvolle registrasies in Keetmanshoop, !Nami?Nûs en Mariental gelei.
“As iemand wat kanker danksy ’n stamseloorplanting oorleef het, ken ek die desperate hoop om vir ’n geskikte skenker te wag,” sê Robin.
“Baie mense besef nie om op die register te kom is ’n vinnige en pynlose proses nie – ’n eenvoudige weefselmonster uit jou wang en ’n kort vraelys.
“Die werklike skenking, wanneer dit nodig is, is gewoonlik so eenvoudig soos om bloed te skenk,” het hy verduidelik.
Vrydag vind nog ’n registrasieveldtog by Independence Plaza in die hoofstad se sentrale sakekern plaas. Gesonde individue tussen 16 en 45 jaar kan registreer, met die registrasie wat tussen 15 en 20 minute duur.
’n Kundige span sal by NOC en ook Vrydag byderhand wees om vrae te beantwoord en enige mites oor die skenk van stamselle uit die weg ruim.
Dr. Kudakwashe Simba, kliniese hematoloog by NOC, verduidelik die meerderheid van die skenkings word deur middel van perifere bloedstamselversameling gedoen, nie chirurgie nie.
“Ongelukkig verhinder wanopvattings en ’n gebrek aan inligting talle potensiële skenkers om te registreer,” het hy gesê.
Belangstellendes wat nie die twee registrasieveldtogte in Windhoek kan bywoon nie, kan aanlyn registreer op die webtuiste van die Suid-Afrikaanse Beenmurgregister (SABMR), wat tans ook as Namibië se register dien.
Vir meer inligting kan NOC se Victoria Kangombe by [email protected] of 264 83 330 5053 gekontak word. – [email protected]
Kommentaar
Republikein
Geen kommentaar is op hierdie artikel gelaat nie