Hoër premies nodig vir volhoubaarheid van bedryf

Henriette Lamprecht – Om normaliteit na die finansiële stand en volhoubaarheid van mediese fondse in Namibië te bring – wie se reserwes tans op 23,8% teenoor die verpligte 25% staan – sal van die fondse vereis word om ’n skerp styging in premies vir 2024 te implementeer. Volgens die Vereniging vir Namibiese Mediese Fondse (Namaf) sal dié stygings in eenvoudige terme bestaan uit ’n standaard inflasieverhoging van sowat 5%, die voorsiening van sowat 3% vir aspekte soos veroudering en “technology creep” – ’n verskynsel wat voorkom wanneer die omvang van ’n projek weens die bekendstelling van nuwe tegnologieë verder as sy oorspronklike doelwitte strek, die voorsiening om die bedryfsgaping oor ’n aanvaarde tydperk van drie jaar te sluit met sowat 3,5% per jaar vir die volgende drie jaar (tans is die gaping 10%), sowel as die voorsiening van sowat 3% per jaar vir die heropbou van reserwes.Namaf sê die bogenoemde beteken ’n vereiste bydraeverhoging van tussen 13% en 15% vir 2024. Gegewe die huidige hoë lewenskoste en druk op besteebare huishoudelike inkomste, sê die vereniging dit is egter onvolhoubaar. Gegewe die “ongekende finansiële druk” wat die finansieringsbedryf vir mediese fondse tans ervaar, is die besluit gevolglik geneem om die verhoging van die standaardtariewe op ys te plaas tot aan die einde van die eerste kwartaal in 2024. Dit sal onder meer die Toesighoudende Owerheid vir Finansiële Instellings in Namibië (Namfisa) tyd gee om ’n besluit te neem oor die versoeke van verskeie mediese fondse vir die verhoging van lede se maandelikse premies. Van die mediese fondse het gevra vir verhogings van tot 11% in premies, onderhewig aan Namfisa se goedkeuring. Republikein het op goeie gesag verneem dat van die fondse reeds met ingang 1 Januarie 2024 ’n “beduidende verlaging en vermindering van voordele” waaronder vir hospitaalbesoeke (in-hospital) met verskaffers van gesondheidsdienste gedeel het. Namaf verwys ook na die Private Praktisynsforum (NPPF) as ’n vrywillige vereniging van ’n “handvol private praktisyns” wat die behandeling van pasiënte en die voorsiening van gesondheidsdienste aan pasiënte vir persoonlike wins bedryf.“Dit is nie die eerste keer dat NPPF nie net vir Namaf aanval nie, maar ook die metodes wat dit beskikbaar stel vir die ordentlike funksionering van die finansieringsbedryf vir mediese fondse. Sou hulle [NPPF] slaag, kan dit die bedryf onregeerbaar maak,” sê Namaf.Namaf beskuldig ook die NPPF daarvan dat dit “onsensitief” vir die lot van lede van mediese fondse is, as die huidige finansiële stand van al die mediese fondse in oorweging gebring word. – henriette@republikein.com.na

Hoër premies nodig vir volhoubaarheid van bedryf

Kommentaar

Republikein 2026-04-02

Meld asseblief aan om kommentaar te lewer

Hoër premies nodig vir volhoubaarheid van bedryf

Kommentaar

Republikein 2026-04-02

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.