Gesondheid werk met 'ou' plan

Jemima Beukes – Die ministerie van gesondheid en maatskaplike dienste ploeter voort met ’n ou ministeriële strategiese plan (SP) wat in 2022 verleng is tot 2025. In dieselfde asem is daar weinig van die ministerie se personeel wat hul prestasie-ooreenkomste voltooi het.Volgens die gesondheidsminister, dr. Kalumbi Shangula, is daar ook ’n dringende behoefte om dienste uit te brei om toegang vir alle inwoners te verseker.Shangula het tydens ’n bestuursontwikkelingsforum gesê dit is kritiek dat alle infrastruktuur, geriewe en toerusting goed in stand gehou word om doeltreffend in die behoeftes van “al ons inwoners in die uithoeke van die land” te voorsien. “Dit is noodsaaklik dat kliniese voorrade en farmaseutiese produkte beskikbaar is soos dit nodig is, gerig deur die beginsels van kostedoeltreffende aankope,” het hy gesê.Die minister het gemaan teen korrupsie en onbehoorlike gedrag met betrekking tot die verkrygingsproses van die ministerie en sê daar moet geen ruimte gelaat word vir enige werklike of selfs beweerde bewerings van korrupsie nie. “’n Voorbeeld is die onlangse dekking van die tenders vir die verkryging van kliniese voorrade. Die gekanselleerde tender vir kliniese voorrade gaan verreikende gevolge inhou vir die beskikbaarheid van dié voorrade in die land. “Ons werk hard om te verseker die voorrade word aangekoop en is vir inwoners beskikbaar. Wat belangrik is, is om te alle tye absoluut aan die verkrygingswet en sy regulasies te voldoen. Ons kan nie ruimte laat vir enige werklike of beweerde oortreding van die wet nie. Ons kan nie toelaat dat enige korrupte aktiwiteite plaasvind nie. Dit moet baie duidelik wees!”Shangula het gemaan daar moet noukeurig aandag gegee word aan die voorbereiding van tenderdokumente en die evaluering van aanbiedinge in ’n poging om enige onnodige vertragings in die finaliserings van tenders vir voorrade en dienste te vermy. Sy pleidooi kom midde ’n tyd waarin die ministerie gekruisig word vir ’n ernstige tekort aan medikasie, toerusting en noodsaaklike personeel, terwyl die land se hospitale en gesondheidsgeriewe uit mekaar val. Volgens die adjunk- uitvoerende direkteur in die departement vir beleid en beplanning, Jeremia Nghipundjwa, moes die menslike hulpbronnedepartement vir die ondersteuning van ontwikkelingsvennote vra om 50 personeellede per streek per maand vanaf 1 April op te lei. “Daar is ’n dringende behoefte om die ministeriële implementeringspanne op verskeie vlakke te vestig om die proses te dryf. Meer ondersteuning gaan nodig wees, veral vir die ontwikkeling van die implementeringsplan, monitering en evaluering, sowel as kostebepaling,” het hy gesê. – republikein@republikein.com.na

Gesondheid werk met 'ou' plan

Kommentaar

Republikein 2025-07-01

Meld asseblief aan om kommentaar te lewer

Gesondheid werk met 'ou' plan

Kommentaar

Republikein 2025-07-01

Meld asseblief aan om kommentaar te lewer

MELD AAN

Advertensie