Gesondheid onder druk in Swakopmund
Geen lig vir reusedruk op Tamariskia-kliniek
Dit kan twee tot drie maande duur om 'n kontrakteur aan te stel om met die opknappingswerk aan die Mondesa-kliniek te begin.
Die sluiting van Swakopmund se Mondesa-kliniek vroeër vanjaar ná ’n verwoestende brand het aansienlike druk op die dorp se kliniek in Tamariskia geplaas, wat sukkel om oorbevolking, beperkte infrastruktuur en personeel met te min hulpbronne die hoof te bied.
Die Tamariskia-kliniek funksioneer tans bo kapasiteit, met lang wagtye en beperkte mediese dienste. Met die Mondesa-kliniek wat nog nie sedert die brand in Februarie opgeknap is nie, is daar nie veel lig in die tonnel dat dié reuselas binnekort verlig sal word nie.
Die proses om die Mondesa-kliniek te herbou het glo tot stilstand geruk weens burokrasie met verkrygings.
Die adjunkvoorsitter van die Nasionale Raad (NR) se parlementêre staande komitee oor gesondheid, maatskaplike welsyn en arbeidsaangeleenthede Emma Tangi Muteka, het die terrein gister as deel van ’n nasionale oorsigsending besoek.
Sy het bevestig dat geen kontrakteur nog aangestel is om die kliniek te rehabiliteer nie.
“Hulle is steeds besig om die gesprek te finaliseer en die kontrakteur te identifiseer wat verantwoordelik vir die opknappings sal wees,” het sy gesê.
“Ons het beklemtoon dat ons hulle aanspreeklik sal hou. Hulle het aangedui dat dit tussen twee en drie maande sal wees. Ons sal opvolg,” het Muteka gesê.
Die komitee het ’n beroep op die ministerie van gesondheid en maatskaplike dienste gedoen om alternatiewe oplossings te bespoedig om die groeiende opeenhopings by die Tamariskia-kliniek te takel.
“Ons motiveer hulle om te kyk na staatseiendomme wat tydelik gebruik kan word – mits die toestande gunstig is,” het sy gesê.
Tydens die besoek het Muteka ook verwys na breër kommer oor Erongo se openbare gesondheidsinfrastruktuur, insluitend oorbevolking, lang rye en ’n gebrek aan privaatheid vir pasiënte.
Die komitee het verwys na vervalle infrastruktuur, hoewel verbeterings aan sommige infrastruktuur op Walvisbaai waargeneem is. Laasgenoemde sluit in die herstel van plafonne by die distrikshospitaal en die installering van beddens wat nie rondbeweeg kan word nie in kamers waar pasiënte met geestesongesteldheid gehuisves word. Kommer is veral oor geestesgesondheid geopper.
Volgens Muteka is daar tans net een so ’n kamer by die staatshospitaal in Swakopmund, wat tans ook ná ’n brand opgeknap word. Die komitee stel voor dat bykomende geriewe hiervoor opgerig word.
“Ons moet steeds oorweging skenk om meer ruimte te skep, een kamer is onvoldoende,” het sy gesê.
Die komitee se voorlopige verslag sal aan die parlement voorgelê word, gevolg deur formele aanbevelings aan die gesondheidsministerie. Die verwagting is dat die ministerie daarna ’n vorderingsverslag sal indien.
Erongo se goewerneur, Nathalia /Goagoses, het haar na bewering daartoe verbind om te verseker dat spesifieke instandhoudingskwessies – soos die onopgeloste kwessie van toegang na die psigiatriese saal – in samewerking met die streekraad getakel sal word.
Muteka het beklemtoon dat die desentralisasie van gesondheidsorgdienste verder as net infrastruktuur moet strek.
“Eerlikwaar, ons kan beter doen,” het sy gesê en opgemerk dat opeenhopings steeds ’n groot bron van kommer in klinieke en hospitale is, en bygevoeg dat beperkte ruimte en infrastruktuur dienslewering belemmer. – [email protected]
Die Tamariskia-kliniek funksioneer tans bo kapasiteit, met lang wagtye en beperkte mediese dienste. Met die Mondesa-kliniek wat nog nie sedert die brand in Februarie opgeknap is nie, is daar nie veel lig in die tonnel dat dié reuselas binnekort verlig sal word nie.
Die proses om die Mondesa-kliniek te herbou het glo tot stilstand geruk weens burokrasie met verkrygings.
Die adjunkvoorsitter van die Nasionale Raad (NR) se parlementêre staande komitee oor gesondheid, maatskaplike welsyn en arbeidsaangeleenthede Emma Tangi Muteka, het die terrein gister as deel van ’n nasionale oorsigsending besoek.
Sy het bevestig dat geen kontrakteur nog aangestel is om die kliniek te rehabiliteer nie.
“Hulle is steeds besig om die gesprek te finaliseer en die kontrakteur te identifiseer wat verantwoordelik vir die opknappings sal wees,” het sy gesê.
“Ons het beklemtoon dat ons hulle aanspreeklik sal hou. Hulle het aangedui dat dit tussen twee en drie maande sal wees. Ons sal opvolg,” het Muteka gesê.
Die komitee het ’n beroep op die ministerie van gesondheid en maatskaplike dienste gedoen om alternatiewe oplossings te bespoedig om die groeiende opeenhopings by die Tamariskia-kliniek te takel.
“Ons motiveer hulle om te kyk na staatseiendomme wat tydelik gebruik kan word – mits die toestande gunstig is,” het sy gesê.
Tydens die besoek het Muteka ook verwys na breër kommer oor Erongo se openbare gesondheidsinfrastruktuur, insluitend oorbevolking, lang rye en ’n gebrek aan privaatheid vir pasiënte.
Die komitee het verwys na vervalle infrastruktuur, hoewel verbeterings aan sommige infrastruktuur op Walvisbaai waargeneem is. Laasgenoemde sluit in die herstel van plafonne by die distrikshospitaal en die installering van beddens wat nie rondbeweeg kan word nie in kamers waar pasiënte met geestesongesteldheid gehuisves word. Kommer is veral oor geestesgesondheid geopper.
Volgens Muteka is daar tans net een so ’n kamer by die staatshospitaal in Swakopmund, wat tans ook ná ’n brand opgeknap word. Die komitee stel voor dat bykomende geriewe hiervoor opgerig word.
“Ons moet steeds oorweging skenk om meer ruimte te skep, een kamer is onvoldoende,” het sy gesê.
Die komitee se voorlopige verslag sal aan die parlement voorgelê word, gevolg deur formele aanbevelings aan die gesondheidsministerie. Die verwagting is dat die ministerie daarna ’n vorderingsverslag sal indien.
Erongo se goewerneur, Nathalia /Goagoses, het haar na bewering daartoe verbind om te verseker dat spesifieke instandhoudingskwessies – soos die onopgeloste kwessie van toegang na die psigiatriese saal – in samewerking met die streekraad getakel sal word.
Muteka het beklemtoon dat die desentralisasie van gesondheidsorgdienste verder as net infrastruktuur moet strek.
“Eerlikwaar, ons kan beter doen,” het sy gesê en opgemerk dat opeenhopings steeds ’n groot bron van kommer in klinieke en hospitale is, en bygevoeg dat beperkte ruimte en infrastruktuur dienslewering belemmer. – [email protected]
Kommentaar
Republikein
Geen kommentaar is op hierdie artikel gelaat nie