Geingob in spervuur oor kondoomsage

Die leier van die Popular Democratic Movement (PDM), McHenry Venaani, het &#039;n beroep op president Hage Geingob gedoen om in te gryp en die omstrede tender van N$650 miljoen vir mediese voorraad te kanselleer, en gesê Namibië kan nie bekostig om in hierdie stadium nagenoeg honderde miljoene aan kondome te bestee nie.Hy het ook die ministerie van gesondheid en maatskaplike dienste daarvan beskuldig dat hy toesig hou oor &#039;n stelsel wat ontwerp is vir binnehandel en sameswering – gebaseer op die bedrag wat vir mediese handskoene en kondome toegeken is.Venaani, wat die afgelope Vrydag in &#039;n brief ’n pleidooi aan Geingob gerig het om in te gryp, het hierdie opmerkings gemaak ná die omstrede toekenning van groot tenders aan Amnics Trading, wat deur die sakeman Shapwa Kanyama besit word.“Dit maak geen ekonomiese of politieke sin om N$650 miljoen aan handskoene en kondome te bestee terwyl jy ’n gesondheidskrisis het waar daar geen bloeddrukmedisyne in hospitale is nie; waar infrastruktuur verval; terwyl kinders sopnat van reën skool toe gaan, en tog dink hierdie regering dit is gepas om hierdie geld te bestee.“Die vraag is nie of die geld reg bestee is nie, maar of dit bekostigbaar is om byna &#039;n miljard te bestee. President Geingob, gebruik jou gewete as &#039;n leier van hierdie land,” het hy geskryf.NIE ’N PRIORITEITDie PDM-leier – wat verskeie briewe oor verskillende kwessies aan die president gerig het – het gesê dit sal jammer wees as sy pleidooi “weer op dowe ore val”, maar het bygevoeg dat Geingob uiteindelik in beheer van die regering is.“Ons gaan vir die president wag en as hy nie optree nie, sal ons gedwing word om te litigeer.“Ons sê hierdie uitgawe is nie &#039;n prioriteit nie. Hierdie geld moet herlei word na ander gebiede waar dit nodig is.“Ons staar ernstige bekommernisse in die gesig. Die afgelope 13 jaar word ons land sonder &#039;n gesondheidsbeleid bestuur. Hoe bestuur jy ’n gesondheidsministerie sonder ’n gesondheidsbeleid?” het Venaani gevra.Dr. Kalumbi Shangula, minister van gesondheid en maatskaplike dienste, sowel die ministerie se uitvoerende direkteur, Ben Nangombe, was albei onbereikbaar en het nie op navrae gereageer nie.OPENLIKE ROOFDie Rally for Progress and Democracy (RDP) se jeugvleuel het ook by die stryd aangesluit en gesê dit is openlike roof van Namibiese belastingbetalers wat baie hard werk om die land se ekonomie te onderhou.In &#039;n verklaring het die liga se sekretaris-generaal, Marvin Janongovandu Veseevete, die stilswye van die ministerie van gesondheid sedert die storm oor die tender verlede week losgebars het, bevraagteken.“Ons het geen ander opsie as om tot die gevolgtrekking te kom dat mnr. Kanyama bande het met mnr. Ben Nangombe nie, vandaar sy swye oor die kwessie. Mnr. Nangombe self moet ondersoek word en die waarheid moet seëvier,” het hy gesê.“Die land is reeds in beroering omdat leerlinge wie se werklose ouers nie kan bekostig om hul skoolgeld te betaal nie, huis toe gestuur word, maar die maghebbers het die vermetelheid om &#039;n tender van N$650 miljoen aan een sakeman te gee wat heel waarskynlik ook &#039;n lid van die regerende party is.”– republikein@republikein.com.na

Geingob in spervuur oor kondoomsage

Kommentaar

Republikein 2025-05-01

Meld asseblief aan om kommentaar te lewer

Geingob in spervuur oor kondoomsage

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie