Geen krukke by Onandjokwe beskikbaar
Niks in voorraad
Pasiënte met erge beenbeserings word glo sonder voldoende mediese sorg huis toe gestuur.
Die Onandjokwe-hospitaal in die Noorde van die land wys pasiënte weg met erge beenbeserings en wat krukke nodig het, omdat daar tans geen voorraad by die hospitaal beskikbaar is nie.
Dié stand van sake is deur die direkteur van gesondheid in die Oshikotostreek, Josua Nghipangelwa bevestig, wat by navraag nie die aantal weke kon gee wat die hospitaal pasiënte sonder doeltreffende mediese sorg huis toe stuur nie.
Volgens Nghipangelwa is die tekort vir tydelike voorraad en word 'n aflewering vandeesweek verwag. Hoewel die Onandjokwe-hospitaal erg deur die tekort geraak word, het die Omuthiya-hospitaal egter wel voorraad en word die hele streek nie deur die tekorte geraak nie.
"Die probleme met voorraad word soms deur verskaffing en aanvraag veroorsaak. Soms is daar 'n tydperk van hoë aanvraag en ander tye is daar nie. Sommige pasiënte kry voorraad, maar dit is nie in hulle grootte nie. Nou het ons beperkte groottes in voorraad en moet ons ongelukkig pasiënte wegwys," het hy gesê.
Nghipangelwa sê soms word die tekorte in die streek veroorsaak deur kontrakteurs wat mekaar hof te sleep. Terwyl op die uitkoms van die hofsaak gewag word, "is dit die mense wat die gevolge van hierdie konflikte dra". - [email protected]
Dié stand van sake is deur die direkteur van gesondheid in die Oshikotostreek, Josua Nghipangelwa bevestig, wat by navraag nie die aantal weke kon gee wat die hospitaal pasiënte sonder doeltreffende mediese sorg huis toe stuur nie.
Volgens Nghipangelwa is die tekort vir tydelike voorraad en word 'n aflewering vandeesweek verwag. Hoewel die Onandjokwe-hospitaal erg deur die tekort geraak word, het die Omuthiya-hospitaal egter wel voorraad en word die hele streek nie deur die tekorte geraak nie.
"Die probleme met voorraad word soms deur verskaffing en aanvraag veroorsaak. Soms is daar 'n tydperk van hoë aanvraag en ander tye is daar nie. Sommige pasiënte kry voorraad, maar dit is nie in hulle grootte nie. Nou het ons beperkte groottes in voorraad en moet ons ongelukkig pasiënte wegwys," het hy gesê.
Nghipangelwa sê soms word die tekorte in die streek veroorsaak deur kontrakteurs wat mekaar hof te sleep. Terwyl op die uitkoms van die hofsaak gewag word, "is dit die mense wat die gevolge van hierdie konflikte dra". - [email protected]
Kommentaar
Republikein
Geen kommentaar is op hierdie artikel gelaat nie