Familie vra oor sekuriteit

Die familie van die 29-jarige Giano Seibeb wat verlede naweek naak binne Staatshuis in Windhoek aangetref is, het ernstige bekommernisse oor die sekuriteit by die Windhoek Sentrale Hospitaal se fasiliteit vir geestesgesondheidsorg geopper.Seibeb, ’n pa van twee jong kinders van ses en drie jaar oud, het na bewering in die weke voor die voorval herhaaldelik uit die geestesgesondheidsfasiliteit ontsnap.Sy niggie, Melani Seibes (28), het gesê die familie het hom vir weke lank gesoek voordat hy by die presidensiële woning by Staatshuis in Auasblick opgeduik het.“Om eerlik te wees, ek is baie hartseer, want ons soek hom sedert 5 April,” het sy Woensdag aan Network Media Hub (NMH) gesê.Sy het ’n patroon van herhaalde ontsnappings uit die fasiliteit beskryf.“Hy het uit die geesteshospitaal weggehardloop, toe huis toe gekom en van daar af het hulle hom weer teruggeneem. Op dieselfde dag hardloop hy net weer. Ons weet nie eens hoe die persoon uit die geestesgesondheidshospitaal ontsnap nie,” het sy gesê.“Dit is nie [net] drie of vier keer dat hy teruggeneem is nie. Dit is baie,” het Seibes gesê.SOEKTOG, POLISIEREAKSIEDie familie het gesê hulle het Seibeb se verdwyning uit die geestesgesondheidsfasiliteit by die polisie aangemeld, maar daar is geensins opgetree nie.“My tannie het na die polisiestasie gegaan om hom as ’n vermiste persoon aan te meld, maar hulle het niks gedoen nie. “Hulle het vir haar gesê sy moet ’n foto bring en selfs nadat sy dit gedoen het, het niks gebeur nie. Hulle het niks op hul platforms geplaas nie,” het Seibes gesê.Seibeb se ma, Katharina Seibes, het toe op 24 April haar seun as ’n vermiste persoon by die Otjomuise-polisiestasie aangemeld.Otjomuise-polisie het Woensdag bevestig daar is ’n vermistepersoonverslag, maar dit is nooit versprei nie.“Ek het ook baie gesoek, maar niks. Toe besluit ons om ons eie plakkaat te maak,” het die niggie gesê.Sy het gesê die familie weet nie hoe Seibeb dit reggekry het om so gereeld te ontsnap nie. “Ons wil ook beeldmateriaal sien van hoe hy ingegaan het en alles wat na bewering gebeur het.”Die ministerie van gesondheid en maatskaplike dienste se woordvoerder, Walters Kamaya, het in ’n onderhoud met NMH die voortgesette uitdagings by die fasiliteit erken.“Wanneer daar ’n sekuriteitsuitdaging is, bring ons dit onder die aandag van die ministerie van werke [en vervoer] en vra hulle om daarna te kyk. Daar was onlangs verbeterings en ons het instandhoudingspanne betrek,” het Kamaya gesê.TOESTAND VERSLEGVolgens die familie het Seibeb se geestesgesondheid die afgelope maande aansienlik versleg.“Hy het net die hele nag gepraat. Hy kon nie eens slaap nie,” het sy niggie gesê en bygevoeg dat hy soms nie kon praat nie.“Selfs sy stem was weg. Hy het probeer praat, maar niks het uitgekom nie.” Sy het ook gesê Seibeb voer al jare ’n stryd met sy geestesgesondheid, maar die familie sê hulle is nooit ’n duidelike diagnose gegee nie.“Wanneer ons hom hospitaal toe geneem het, het hulle hom net pille gegee om sy brein te laat ontspan,” het sy niggie gesê.Nadat Seibeb laat verlede jaar na Windhoek verhuis het, het hy by familie gebly voordat hy tussen Maart en April by die geestesgesondheidsfasiliteit opgeneem is.PSIGIATRIESE EVALUERINGSeibeb het Dinsdag in die landdroshof in Windhoek verskyn, waar hy aangedui het dat hy van plan is om skuldig te pleit aan onwettige betreding, huisbraak met die opset om ’n misdaad te pleeg, en die oortreding van Artikel 7 van die Wet op Onsedelike Praktyke.Staatsaanklaer Menencia Hinda het versoek dat die saak tot 22 Junie uitgestel word vir ’n psigiatriese evaluering van die beskuldigde om vas te stel of hy geskik is om verhoor te word.Aanklaer Reinhardt Kamatoto het aan die hof gesê Seibeb se mediese paspoort dui op ’n geskiedenis van skisofrenie.Die staat het verder aansoek gedoen dat die beskulidgde steeds in die Windhoek Korrektiewe Fasiliteit in aanhouding bly.– elizabeth@nmh-hub.com.na

Familie vra oor sekuriteit

Kommentaar

Republikein 2026-08-11

Meld asseblief aan om kommentaar te lewer

Familie vra oor sekuriteit

Kommentaar

Republikein 2026-08-11

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.