Eerste medisyne van direkte aankope is hier

Die ministerie van gesondheid en maatskaplike dienste het sy eerste besending noodsaaklike medisyne en kliniese voorrade direk van vervaardigers ontvang, ná gesprekke om die middelman in verkryging uit te skakel. Die eerste aflewering, verskaf deur die farmaseutiese reus Pfizer, het verlede week by die ministerie se Sentrale Mediese Store in Windhoek aangekom. Die besending is volgens die ministerie die begin van 'n reeks deurlopende verskepings wat oor die komende weke verwag word. Dit vorm deel van die ministerie se nuwe direkte verkrygingstrategie wat daarop gemik is om doeltreffendheid en deursigtigheid binne die nasionale gesondheidsvoorsieningsketting te verbeter. Die besending verteenwoordig ook ‘n beduidende stap om die land se medisynevoorrade in openbare gesondheidsgeriewe oraloor die land aan te vul. “Die ministerie werk hard daaraan om voorraadvlakke by die CMS tot meer as 80% te kry. Nog besendings is onderweg met die volgende een wat teen Woensdag verwag word,” het die adjunk- uitvoerende direkteur in die ministerie, dr. Theo Ben Kandetu gesê.Die minister van gesondheid dr. Esperance Luvindao het gesê dit is moontlik om ‘n punt te bereik waar jy nie elke tweede dag in ‘n koerant van medisynetekorte in gesondheidsgeriewe lees nie. “Dit is waaraan ons work omdat dit direk ‘n beter lewenskwaliteit vir al ons burgers beteken,” het Luvindao gesê.Onder haar leierskap het die ministerie begin om medisyne direk van internasionale vervaardigers aan te koop, ‘n skuif van die vorige steun op tussengangers. Volgens die minister het dié stap reeds beduidende besparings gelewer. “Ons gebruik steeds plaaslike verskaffers. Ons het die streke fondse gegee om sommige voorrade plaaslik op korttermyn te koop. As die medisyne N$100 miljoen kos en jy vra ons 'n redelike winsmarge, is dit reg. Maar wanneer jy N$450 miljoen vir dieselfde produk vra, is dit nie besigheid doen nie, jy beroof die regering,” het sy gesê.Luvindao het egter bewerings ontken dat die uitskakel van sekere tussengangers die plaaslike ekonomie sou benadeel of tot werkverliese in die farmaseutiese sektor sou lei.“Die geld wat bespaar word, stel ons in staat om meer verpleegsters en dokters aan te stel en in infrastruktuur te belê,” het sy verduidelik. “As ons in infrastruktuur belê, is dit waarskynlik dat 'n plaaslike maatskappy aangestel sal word om daardie werk te doen. Dit is dus nie korrek om te sê ons vernietig die ekonomie wanneer ons die kwessie van middelmanne hanteer nie.”Luvindao het vroeër vanjaar onder kritiek deurgeloop nadat 'n e-pos uitgelek het wat sy aan internasionale vervaardigers gestuur het om kwotasies aan te vra. Sommige het haar daarvan beskuldig dat sy administratiewe grense oorskry het.Sy het egter haar besluit verdedig en gesê haar betrokkenheid was bedoel om reaksies van potensiële verskaffers te bespoedig.“Die uitgelekde e-pos het dalk die indruk geskep dat dit aan een maatskappy gestuur is, maar dit is eintlik aan honderde potensiële verskaffers versprei,” het sy gesê. “Alle relevante amptenare, insluitend lede van die verkrygingskomitee en regulerende owerhede, was by die e-pos ingesluit.”

Eerste medisyne van direkte aankope is hier

Kommentaar

Republikein 2026-01-29

Meld asseblief aan om kommentaar te lewer

Eerste medisyne van direkte aankope is hier

Kommentaar

Republikein 2026-01-29

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.