Byna 100 malariasterfgevalle kommerwekkend

Te midde van 'n voortslepende malaria-uitbreking het president Netumbo Nandi-Ndaitwah verlede week Namibiërs versoek om te help om die siekte te bestry en die riglyne van die ministerie van gesondheid en maatskaplike dienste oor hoe om hulself te beskerm, te volg.“Die sterfgevalle wat in ’n kort tydjie aangemeld is, is baie kommerwekkend. As jul president doen ek ’n beroep op ons almal om malaria op alle maniere moontlik te beveg,” het Nandi-Ndaitwah Donderdag by Oshakati se Onafhanklikheidstadion tydens ’n Werkersdagvieringe gesê.Teen 20 April het Namibië 56 130 malariagevalle aangeteken, insluitend 5 226 pasiënte met ernstige gevalle of wat in die hospitaal opgeneem is en 95 sterftes.Uitbrekings is in tien endemiese streke aangemeld: Ohangwena, Omusati, Oshana, Oshikoto, Otjozondjupa, Omaheke, Zambezi en Kavango-Wes en -Oos. Gevalle het skerp toegeneem in die meeste van hierdie streke.Nandi-Ndaitwah het gesê mense moet basiese voorsorgmaatreëls tref en daarop let dat malaria 'n seisoenale siekte is en nie 'n bedreiging wat die hele jaar lank voortduur nie.“Die eenvoudige reëls is om te probeer vermy om na sonsondergang buite te wees. Wanneer jy buite is, probeer om langmouklere te dra,” het die president gesê.“Ons word ook gedurende hierdie tydperk aangesê om stilstaande water en grasgebiede te vermy,” het sy bygevoeg.Sy het bygevoeg dat deur hierdie riglyne te volg, mense die land sal help om die voortdurende uitdagings wat malaria inhou, te oorkom.SAMEWERKINGDie gesondheidsminister, dr. Esperance Luvindao, het Namibiërs versoek om te verenig in 'n landswye poging om hierdie bedreiging van openbare gesondheid bestry.Sy het die publiek aangespoor om waaksaam te bly.“Ek doen 'n beroep om bewustheid te skep oor die kritieke belang daarvan om onmiddellike mediese hulp by die naaste gesondheidsgerief te soek met die eerste teken van malariasimptome,” het sy gesê.Luvindao het 'n beroep op werkgewers, werkers, vakbonde, professionele verenigings en federasies gedoen om 'n aktiewe rol te speel in die mobilisering van hul lede.Sy het beklemtoon dat vroeë behandeling kan voorkom dat ongekompliseerde gevalle van malaria in ernstige of gekompliseerde gevalle ontwikkel.“Gekompliseerde malaria is 'n mediese noodgeval en onmiddellike behandeling moet begin word, want as dit nie behandel word nie, kan malaria sterfte veroorsaak,” het sy gewaarsku."Ernstige malaria kan die brein aantas. Dit kan lei tot siekte-aanvalle en ’n toestand van koma. Dit gebeur wanneer besmette rooibloedselle bloedvloei na die brein blokkeer. Vroeë diagnose en behandeling van malaria verminder die siektelas en voorkom verdere oordrag asook sterftes," het Luvindao gesê.Sy het diegene wat na malaria-endemiese streke terugkeer, aangeraai om mediese hulp te soek as hulle simptome soos koors, hoofpyn, kouekoors, lyfpyn, braking of diarree ervaar.“Beskerm jouself en jou gesin deur onder 'n behandelde muskietnet te slaap, langmouklere saans te dra en muskietafweermiddels soos rome, spirale en tradisionele kruie te gebruik,” het Luvindao beklemtoon.- tuyeimo@nmh-hub.com.na

Byna 100 malariasterfgevalle kommerwekkend

Kommentaar

Republikein 2026-02-03

Meld asseblief aan om kommentaar te lewer

Byna 100 malariasterfgevalle kommerwekkend

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.