Burgers soek voldoende gesondheidsorg
’n Nuwe Afrobarometer-verslag toon dat slegs 15% van Namibiërs mediesefondsdekking het.
“Die meeste burgers (78%) sê hulle is bekommerd dat hulle siek sal word en nie die nodige mediese sorg sal kan bekom of bekostig nie,” lui die verslag wat volg op ’n onlangse opname.
Die meerderheid (74%) van diegene wat nie lede van ’n mediese fonds is nie, sê dit is omdat hulle dit nie kan bekostig nie.
Volgens die opname sê byna tweederdes van Namibiërs (64%) dat die regering moet verseker dat alle burgers toegang tot voldoende gesondheidsorg het, al beteken dit dat belasting verhoog moet word.
Van die 15% wat wel mediesefondsdekking het, is byna die helfte (46%) lede van private mediese fondse, terwyl 28% aan openbare mediese fondse behoort.
Volgens die data wat ingesamel is, word 20% deur nasionale gesondheidsdekking bedien.
Afrobarometer se opnames word onder steekproefgroepe van 1 200 mense ouer as 18 gedoen wat die demografie van ’n land verteenwoordig. In Namibië word dié groep deur die Namibië Statistiekagentskap (NSA) verskaf.
– [email protected]
“Die meeste burgers (78%) sê hulle is bekommerd dat hulle siek sal word en nie die nodige mediese sorg sal kan bekom of bekostig nie,” lui die verslag wat volg op ’n onlangse opname.
Die meerderheid (74%) van diegene wat nie lede van ’n mediese fonds is nie, sê dit is omdat hulle dit nie kan bekostig nie.
Volgens die opname sê byna tweederdes van Namibiërs (64%) dat die regering moet verseker dat alle burgers toegang tot voldoende gesondheidsorg het, al beteken dit dat belasting verhoog moet word.
Van die 15% wat wel mediesefondsdekking het, is byna die helfte (46%) lede van private mediese fondse, terwyl 28% aan openbare mediese fondse behoort.
Volgens die data wat ingesamel is, word 20% deur nasionale gesondheidsdekking bedien.
Afrobarometer se opnames word onder steekproefgroepe van 1 200 mense ouer as 18 gedoen wat die demografie van ’n land verteenwoordig. In Namibië word dié groep deur die Namibië Statistiekagentskap (NSA) verskaf.
– [email protected]
Kommentaar
Republikein
Geen kommentaar is op hierdie artikel gelaat nie