Baanbreker-tegnologie help mense met skoliose
Veral meisies ly aan toestand
Danksy 'n ortopediese praktyk in Windhoek kan driedimensionele rugstutte vir die behandeling van skoliose tans in Namibië bekom word.
’n Ortopediese praktyk in Windhoek is die eerste en tans ook die enigste een landswyd wat van driedimensioneel gedrukte stutte gebruik maak om pasiënte met skoliose se ruggrate geleidelik reguit te maak.
Skoliose beïnvloed pasiënte se lewensgehalte en ’n studie het bevind dat dié pasiënte 40% meer geneig is tot selfdoodgedagtes weens die pyn wat hulle ondervind.
Skoliose is die kromming van pasiënte se ruggrate.
“As mens na die ruggraat kyk moet die rugwerwels reguit afloop, maar met skoliose loop die ruggraat in ’n S-vorm. Skoliose is in baie gevalle progressief en ons moet dit probeer stop,” verduidelik die Windhoekse ortotis, mnr. Tiaan Kilian.
Hy sê skoliose kom ook meer algemeen by meisies voor as by seuns, met ongeveer 4% van die vroulike bevolking wat met skoliose saamleef. Meisies is ook moeiliker om te behandel, volgens Kilian.
“Die pasiënt se samewerking is soms ’n probleem. Sodra puberteit begin, raak veral meisies selfbewus oor hoe hulle lyk. Dan is samewerking ’n probleem want dan dra hulle nie die stutte nie.”
Pasiënte word vereis om X-strale te laat neem en dit – saam met ’n driedimensionele skandering van die pasiënt – word gebruik om die driedimensionele stut te maak.
“Talle pasiënte met skoliose benodig chirurgie, maar indringende chirurgie is nie altyd die oplossing nie. As mens bietjie meer outyds kan wees en met ’n stut werk om ’n indringende operasie te vermy, is dit beter,” sê hy.
Die Providence-stut, wat deur Spinal Tech in Amerika vervaardig word volgens ’n pasiënt se unieke mates, is die eerste stut vir skoliose wat deur die nag gedra kan word en spog met ’n regstellingskoers van 98%.
In meer gevorderde gevalle kan pasiënte die stut vir 23 ure dra.
“Ons wil in baie gevalle meer aggressief werk om ’n operasie te vermy, en daarom word daar in gevorderde gevalle aanbeveel dat pasiënte die stut 23 uit die 24 ure per dag dra. Soos ons verbetering sien, kan ons die tyd verminder, soos byvoorbeeld net in die aand wanneer hulle slaap,” sê Kilian.
– [email protected]
Skoliose beïnvloed pasiënte se lewensgehalte en ’n studie het bevind dat dié pasiënte 40% meer geneig is tot selfdoodgedagtes weens die pyn wat hulle ondervind.
Skoliose is die kromming van pasiënte se ruggrate.
“As mens na die ruggraat kyk moet die rugwerwels reguit afloop, maar met skoliose loop die ruggraat in ’n S-vorm. Skoliose is in baie gevalle progressief en ons moet dit probeer stop,” verduidelik die Windhoekse ortotis, mnr. Tiaan Kilian.
Hy sê skoliose kom ook meer algemeen by meisies voor as by seuns, met ongeveer 4% van die vroulike bevolking wat met skoliose saamleef. Meisies is ook moeiliker om te behandel, volgens Kilian.
“Die pasiënt se samewerking is soms ’n probleem. Sodra puberteit begin, raak veral meisies selfbewus oor hoe hulle lyk. Dan is samewerking ’n probleem want dan dra hulle nie die stutte nie.”
Pasiënte word vereis om X-strale te laat neem en dit – saam met ’n driedimensionele skandering van die pasiënt – word gebruik om die driedimensionele stut te maak.
“Talle pasiënte met skoliose benodig chirurgie, maar indringende chirurgie is nie altyd die oplossing nie. As mens bietjie meer outyds kan wees en met ’n stut werk om ’n indringende operasie te vermy, is dit beter,” sê hy.
Die Providence-stut, wat deur Spinal Tech in Amerika vervaardig word volgens ’n pasiënt se unieke mates, is die eerste stut vir skoliose wat deur die nag gedra kan word en spog met ’n regstellingskoers van 98%.
In meer gevorderde gevalle kan pasiënte die stut vir 23 ure dra.
“Ons wil in baie gevalle meer aggressief werk om ’n operasie te vermy, en daarom word daar in gevorderde gevalle aanbeveel dat pasiënte die stut 23 uit die 24 ure per dag dra. Soos ons verbetering sien, kan ons die tyd verminder, soos byvoorbeeld net in die aand wanneer hulle slaap,” sê Kilian.
– [email protected]
Kommentaar
Republikein
Geen kommentaar is op hierdie artikel gelaat nie