Windhoek se 'grande dame'

Vir inwoners van en besoekers aan Windhoek is dit ’n baken wat deel is van die hoofstad se horison. Dié stylvolle en majestueuse gebou met ’n uitsig wat tot doer strek en eens die tuiste van ’n miljoener was, lok al vir meer as twee dekades as ’n boetiekhotel gaste wat keer op keer na haar grasie en gasvryheid terugkeer. Volgens die Nordiese legende verwys Thule na ’n plek waar werklikheid en verbeelding mekaar ontmoet, heel gepas vir Hotel Thule wat vanjaar ’n kwarteeu oud is. Die begin van die geboue wat die boetiekhotel huisves, dateer egter terug na 1960 toe die konstruksiemagnaat en eiendomsontwikkelaar Edmund Lafrenz dié luukse huis vir hom en sy vrou, Liselotte, gebou het. In 2000 kry dit ’n nuwe eienaar, Wolfgang Egerer wat, net soos Lafrenz ’n eiendomsontwikkelaar en in die konstruksiebedryf was. Sy idee was om die eiendom in luukse woonstelle te omskep, maar nadat hy met die argitek Piet Odendaal van Büro Odendaal Argitekte gekonsulteer het, besluit hy om dit eerder in ’n boetiekhotel te omskep. Oor die volgende 25 jaar het dit gegroei tot ’n vierster-tuiste vir van gaste tot besoekers met 25 kamers, ’n raadsaal, ’n restaurant en natuurlik ’n stoep met ’n onvergeetlike uitsig oor die hoofstad.En soos dit ’n “grande dame” pas, steeds met haar gesofistikeerde afrondings wat herinner aan haar begin. Lees meer hier: https://q.my.na/GAOM – henriette@republikein.com.na

Windhoek se 'grande dame'

Kommentaar

Republikein 2025-09-17

Meld asseblief aan om kommentaar te lewer

Windhoek se 'grande dame'

Kommentaar

Republikein 2025-09-17

Meld asseblief aan om kommentaar te lewer

MELD AAN

Advertensie