'n Eeu van diens

“Dit is waar ek my wortels het. Hierdie land kom eerste.” ‘n Eeu ná die nederige begin as ‘n algemene handelaar in Windhoek, eggo dié woorde van wyle Harold Pupkewiz steeds in sy nalatenskap van belegging in en diens aan Namibië en sy mense. Die Pupkewitz-storie begin in 1902 toe sy pa Max weens politieke onstabiliteit en antisemitisme uit Litaue vlug en hom eers in Suid-Afrika vestig. Namibië word en bly later egter sy tuiste waar hy eers ‘n werkswinkel in Okahandja vir waens begin en in 1925 saam met sy vrou Anna ‘n algemene handelaar op die hoek van Talstraat en Rehobotherweg in Windhoek open. Die jare wat volg het, word gekenmerk deur onwrikbare dryfkrag en deursettingsvermoë deur die Groot Depressie, die besluit om ná die einde van die Tweede Wêreldoorlog oor te beweeg na boumateriaal en in 1954 die motorbedryf te betree. Max se seuns Harold, Julius en Morris sluit hulle by die besigheid aan, met Harold wat nadat hy in 1937 graad vang, aan die hoof staan van aankope en administrasie. Vir 74 jaar sou hy die maatskappy lei en ‘n 100 jaar ná die begin van ‘n algemene handelaar op ‘n hoek in die hoofstad, bestaan die Pupkewitz-groep vandag uit ses verskillende maatskappye met meer as 70 liggings oraloor die land. Dit is werkgewer vir meer as 2 000 Namibiërs en dra sowat 3,5% tot Namibië se Bruto Binnelandse Produk (BBP) by. “Daar is geen groter bate as die mense van ons nasie nie,” het Harold Pupkewitz gesê en verwys na hul welstand en bevordering wat nie net die groep en ook die stigting se fondasie is waarop sy etos en werk gebaseer is nie, maar ook beklemtoon word in artikel 95 van die Namibiese Grondwet. Kliek hier vir 'n oorsig: q.my.na/YSBO. - republikein@republikein.com.na

'n Eeu van diens

Kommentaar

Republikein 2025-12-19

Meld asseblief aan om kommentaar te lewer

'n Eeu van diens

Kommentaar

Republikein 2025-12-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.