Wlotzkasbaken nou deel van Arandis-kiesafdeling

Precious Nghitaunapo – Die regering het die naweek ’n kantoor op Wlotzkasbaken aan die kus tussen Swakopmund en Hentiesbaai amptelik ingewy om sodoende ontwikkeling nader aan die inwoners te bring en ook voldoende en doeltreffende dienslewering te verseker. Dit maak Wlotzkasbaken nou deel van die Arandis-kiesafdeling in die Erongo-streekraad. Die gebied gaan in verskillende fases ontwikkel word en waarvan fase een en twee reeds met die hulp van die plaaslike owerhede voltooi is en wat deel vorm van die verpligte 5%-bydrae tot streekontwikkeling. Buiten die oprigting van die amptelike kantoor is die voorsiening van water aan huishoudings ook voltooi. Die voorsitter van die Erongo-streekraad, Benitha Imbamba, het gesê ’n waterreservoir en ’n pyplyn wat oor vyf kilometer strek sal op Wlotzkasbaken opgerig word om die ontwikkeling van die gebied ’n verdere hupstoot te gee. Die Erongo-streekraad, in samewerking met die Swakopmund-munisipaliteit en ministerie van werke en vervoer, het onlangs ook begin met die goedkeuring van bouplanne vir die Wlotzkasbaken-nedersetting. Die minister van stedelike en landelike ontwikkeling, Erastus Uutoni, het die hergoedkeuring van die voorgestelde vestiging van nedersettings bevestig, asook die ontwikkeling van ’n bykomende 470 erwe, tesame met die voorgestelde struktuurplan en dorpsbeplanningskema. Die streekraad se verwante goedkeuring vir die konstruksie van ’n NamWater-ontsoutingsaanleg het ook die groen lig gekry. Uutoni sê die regering streef daarna om gunstige omstandighede te skep om landelike gebiede in lyn met die nasionale landelike ontwikkelingsbeleide en -strategieë te ontwikkel, wat later vanjaar hersien word.“Ons landelike gebiede het groot potensiaal om ekonomiese aktiwiteite te diversifiseer om hoofsaaklik verandering te dryf,” het Uutoni gesê. – republikein@republikein.com.na

Wlotzkasbaken nou deel van Arandis-kiesafdeling

Kommentaar

Republikein 2025-12-22

Meld asseblief aan om kommentaar te lewer

Wlotzkasbaken nou deel van Arandis-kiesafdeling

Kommentaar

Republikein 2025-12-22

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.