Weeftradisie op Stampriet herleef
In die hartjie van Stampriet in die suide van Namibië word die nalatenskap van weef weer aangevuur deur die Lourens-gesin wat nou ook die trotse eienaars van The Mill en The Historical at the Mill Boutique Hotel op die dorp is.
Voorheen bekend as die Stampriet Historical Guesthouse tot dit verlede jaar deur die Lourens-gesin oorgeneem is, het die gastehuis meer as net ’n blyplek geword; dit het die middelpunt geword van tradisie, entrepreneurskap en gemeenskapsontwikkeling.
Linda Lourens, ’n gesoute eiendomsagentskap en die eienaar van The Mill, vertel:“My ouers was wewers. Ons het vroeër in die Karoo in Suid-Afrika gewoon en my ouers het die wol van Namibië ingevoer. So toe ons na die suide van Namibië verhuis het – die hart van die Swakara-boeregemeenskap – was dit ’n natuurlike proses om ’n wolmeul te begin wat wolmatte vervaardig.”
Sy onthou haar kinderdae was omring deur karakoelwol, die voorloper van Swakara-wol.
Tydens ’n besoek aan Stampriet hoor Linda ’n gesprek tussen boere wat vertel hoe hulle hul Swakara-wol brand. Gedryf deur ’n passie en die behoefte om dié erfenis en die praktyk om wol te brand in die streek te bewaar, besluit sy om wewery in Stampriet te laat herleef.
Met die hulp van haar pa vestig sy ’n weefstudio en lei byna 30 individue op in die kuns van weef. Die personeel van The Mill gebruik antieke Egiptiese metodes van handweef en maak gebruik van die skeer- en inslagtegnieke.
“Die vaardigheid om te kan weef kan maklik oorgedra word en ons is so gelukkig om by te dra tot werkskepping in die streek. Daar was sprake dat Stampriet ’n werkloosheidsyfer van 90% het. Van die boere tot die verspreiding in die Verenigde State van Amerika (VSA), is ons dankbaar om ’n sirkulêre ekonomie te skep wat geen maklike taak is nie,” sê Linda.
The Mill voer tans maandeliks 100 vierkante meter se matte uit na hul vennote in die VSA, The Mill USA. Dit verskaf nie net ’n volhoubare mark vir Swakara-wol nie, maar verhoog ook die vakmanskap van Namibiese wewers op die globale verhoog.
Met verwysing na die internasionale samewerking, sê Linda die nalatenskap brei uit en strek tot by haar suster wat in Amerika gebaseer is en met ontwerpers in die VSA saamwerk om markbehoeftes te bepaal en bestellings in die buiteland te verwerk.
“Met die hulp van ons vennote in die VSA hoop ons om ten minste 1 000 vierkante meter maandeliks in die volgende drie jaar uit te voer.”
Rene Maris, Linda se ma en die matriarg van die familie se weef-nalatenskap, vertel op haar beurt oor ’n reis wat vier dekades gelede met die stigting van Aurora Handweavers begin het.
"My vier dogtertjies het grootgeword waar hulle in karakoelwol gespeel het. Dit is my grootste vreugde om dit in Namibië te sien gebeur, werksgeleenthede te skep en hierdie keer regtig vir die mense in Namibië te help,” sê Rene trots. – [email protected]
Voorheen bekend as die Stampriet Historical Guesthouse tot dit verlede jaar deur die Lourens-gesin oorgeneem is, het die gastehuis meer as net ’n blyplek geword; dit het die middelpunt geword van tradisie, entrepreneurskap en gemeenskapsontwikkeling.
Linda Lourens, ’n gesoute eiendomsagentskap en die eienaar van The Mill, vertel:“My ouers was wewers. Ons het vroeër in die Karoo in Suid-Afrika gewoon en my ouers het die wol van Namibië ingevoer. So toe ons na die suide van Namibië verhuis het – die hart van die Swakara-boeregemeenskap – was dit ’n natuurlike proses om ’n wolmeul te begin wat wolmatte vervaardig.”
Sy onthou haar kinderdae was omring deur karakoelwol, die voorloper van Swakara-wol.
Tydens ’n besoek aan Stampriet hoor Linda ’n gesprek tussen boere wat vertel hoe hulle hul Swakara-wol brand. Gedryf deur ’n passie en die behoefte om dié erfenis en die praktyk om wol te brand in die streek te bewaar, besluit sy om wewery in Stampriet te laat herleef.
Met die hulp van haar pa vestig sy ’n weefstudio en lei byna 30 individue op in die kuns van weef. Die personeel van The Mill gebruik antieke Egiptiese metodes van handweef en maak gebruik van die skeer- en inslagtegnieke.
“Die vaardigheid om te kan weef kan maklik oorgedra word en ons is so gelukkig om by te dra tot werkskepping in die streek. Daar was sprake dat Stampriet ’n werkloosheidsyfer van 90% het. Van die boere tot die verspreiding in die Verenigde State van Amerika (VSA), is ons dankbaar om ’n sirkulêre ekonomie te skep wat geen maklike taak is nie,” sê Linda.
The Mill voer tans maandeliks 100 vierkante meter se matte uit na hul vennote in die VSA, The Mill USA. Dit verskaf nie net ’n volhoubare mark vir Swakara-wol nie, maar verhoog ook die vakmanskap van Namibiese wewers op die globale verhoog.
Met verwysing na die internasionale samewerking, sê Linda die nalatenskap brei uit en strek tot by haar suster wat in Amerika gebaseer is en met ontwerpers in die VSA saamwerk om markbehoeftes te bepaal en bestellings in die buiteland te verwerk.
“Met die hulp van ons vennote in die VSA hoop ons om ten minste 1 000 vierkante meter maandeliks in die volgende drie jaar uit te voer.”
Rene Maris, Linda se ma en die matriarg van die familie se weef-nalatenskap, vertel op haar beurt oor ’n reis wat vier dekades gelede met die stigting van Aurora Handweavers begin het.
"My vier dogtertjies het grootgeword waar hulle in karakoelwol gespeel het. Dit is my grootste vreugde om dit in Namibië te sien gebeur, werksgeleenthede te skep en hierdie keer regtig vir die mense in Namibië te help,” sê Rene trots. – [email protected]
Kommentaar
Republikein
Geen kommentaar is op hierdie artikel gelaat nie