‘Waar groente groei, groei hoop’

Groot Aub Fresh Producers en Hope Garden Lighthouse is deel van meer as 320 gemeenskapstuine wat deur die Shoprite Groep oraloor suidelike Afrika ondersteun word om voedselsekuriteit in die streek te versterk. Met Markdag wat verlede by by Shoprite Lafrenz en Rehoboth plaasgevind het, het die gemeenskapstuiniers die kans gekry om hul produkte direk aan die publiek te verkoop en waardevolle praktiese ervaring gekry om die gemeenskapstuine se oes van die hand te sit. “Markdag gaan oor soveel meer as die spinasie, vars kruie en die wye verskeidenheid plaasvars seisoenale produkte wat kliënte kan koop,” sê Sanjeev Raghubir, hoof volhoubaarheidsbeampte van die groep. Volgens Raghubir help dit om selfvertroue onder die verkoopers te bou, terwyl dit aan kliënte die geleentheid bied om die persoon agter die produk te ontmoet. Op ‘n praktiese vlak word waardevolle vaardighede aan deelnemers oorgedra soos die vasstel van pryse en rekordhouding wat die ontluikende boer en entrepreneur se besigheid kan versterk. Groot Aub Fresh Producers aan die buitewyke van Windhoek produseer ‘n wye verskeidenheid oeste en help lede van die projek om dit aan die gemeenskap te verkoop, terwyl dit werksgeleenthede skep. Oorskot van die gemeenskapstuin wat nou ses jaar oud is, word dikwels aan die naburige tehuis vir bejaardes en gemeenskapsentrum geskenk. “Om deel van die gemeenskapstuin te wees, speel ‘n groot rol in ons lewe as ‘n familie, deur tot voedselsekerheid in ons land as geheel by te dra,” sê die projekleier Julia Haipinge. “Markdag is ‘n manifestering van ‘n etos dat waar groente groei, so doen hoop,” sê Raghubir.

‘Waar groente groei, groei hoop’

Kommentaar

Republikein 2026-11-02

Meld asseblief aan om kommentaar te lewer

‘Waar groente groei, groei hoop’

Kommentaar

Republikein 2026-11-02

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.