Vetpret vir tjokkers

Of jou kind nuut is in rugby of reeds ’n klein Cheslin Kolbe is, Rugby Rascals is die plek waar hulle kan leer, lag en lekker speel terwyl hulle vaardighede opbou en die waardes van Christenskap leer.Die Du Preez-egpaar, Wesley en Cassandra, se passie vir rugby en liefde vir kinders het hulle gemotiveer om hierdie speelgebaseerde program vir kinders tussen die ouderdomme van vier en ses te ontwerp.Dit kombineer kernrugbyvaardighede met spanwerk en aktiwiteite om kinders se selfvertroue ’n hupstoot te gee – alles in ’n veilige en ondersteunende omgewing.Rugby Rascals het vandeesmaand hul eerste geleentheid in Windhoek aangebied en dit was ’n reusesukses.“Die kinders het vinnig by die program aangepas en het baie pret gehad terwyl hulle basiese rugbybeginsels geleer het. “Ons het positiewe terugvoer van die ouers ontvang wat ons baie aanmoedig en dit saam met ons geniet het. Die Here het ons ver vooruit gegaan met ons eerste dag,” vertel Wesley.Dié inisiatief het selfs die aandag getrek van die nasionale rugbylegende, Jacques Burger, wat Rugby Rascals op sosialemediaplatforms geprys het.“Hulle doen goeie werk om ons jongmense die beginsels van rugby deur ons Christelike waardes te leer en dit vir hulle lekker te maak en vir hulle die gereedskap te gee om goeie rugbyspelers en wonderlike mense te wees,” het Burger gesê, wat tans dien as die direkteur van rugby by die Namibiese Rugbyunie (NRU).Volgens Wesley beoog Rugby Rascals om ’n sterk grondslag vir die groei van rugby in Namibië te bou.“Ons wil hê Rugby Rascals moet jong kinders help om lief te raak vir sport, spesifiek rugby, en hul fisieke en sosiale vaardighede te ontwikkel.“Ons glo dat sport nie net gesondheid bevorder nie, maar ook lewenswaardes, soos dissipline, spanwerk en deursettingsvermoë, leer,” vertel hy.Rugby Rascals se program is ook daarop gemik om kinders van kleins af Christelike waardes te leer en hulle maak gebruik van die Living Ball-beginsels.Dié program maak gebruik van spesifieke rugbyballe en handel oor die volgende Bybelverse: “Lost in Sin” (Romeine 3:23); “His Blood” (Johannes 3:16); “His Spirit” (Hebreërs 12:14); en “Growing in Christ” (Efesiërs 4:15).NOG SESSIES Met hul eerste geleentheid wat ’n groot sukses was, vertel Wesley hulle is gereed om uit te brei.“Ons beplan om meer gereelde sessies aan te bied, te groei en moontlik ons program na nuwe areas uit te brei. “Ons wil ook gemeenskapsbetrokkenheid verhoog deur ouers meer by die aktiwiteite te betrek en meer geleenthede te skep.”– kristien@nmh-hub.com.na

Vetpret vir tjokkers

Kommentaar

Republikein 2025-08-04

Meld asseblief aan om kommentaar te lewer

Vetpret vir tjokkers

Kommentaar

Republikein 2025-08-04

Meld asseblief aan om kommentaar te lewer

MELD AAN

Advertensie