Tilla se omgeehart

Haar reis van onbaatsugtige deernis en omgee en die hand uitreik na ander het meer as drie dekades gelede in die skadu van ’n enkele boom in Okahandja Park begin. Vir die 69-jarige Tilla Isaacks was haar motivering en wens 36 jaar gelede eenvoudig – sy wou bitter graag ’n verskil maak. Wanneer sy vandag terugkyk op die pad wat haar lewe toe ingeslaan het, onthou Tilla dit wat haar geïnspireer het om haar lewe aan dié droom te wy.“Ek het ’n prys gewen en was per vliegtuig op pad terug na Namibië toe ek besluit het ek wil behoeftige mense help met die bietjie wat ek het,” onthou Tilla. Sedert die nederige en klein begin het haar toewyding om die gemeenskap saam met die projek sterker in haar gegroei. Waar sy aanvanklik met haar uitreikprogram onder ’n boom begin het, is dit vandag ’n volwaardige projek wat vanuit haar motorhuis bedryf word. Twee keer per week, in wind en weer, sorg Tilla onverwyld dat 460 kinders in die hoofstad se informele nedersettings ’n voedsame maaltyd ontvang. Buiten dit verskaf sy ook maandeliks broodnodige kruideniersware aan die kinders se families.Tilla se ondersteuning en versorging strek egter verder as ’n maaltyd en kruideniersware en sluit ook noodsaaklike items soos klere, skoene en komberse vir die huishoudings in waaruit die kinders kom wat by haar kom eet. “Ek doen dit regtig uit die diepte van my hart om hierdie mense te help en te ondersteun. Ek is lief vir wat ek doen,” sê Tilla. Haar ondersteunende kern is haar borge wat oor die wêreld versprei is van Kongo, China en Kuba tot plaaslike borge in Namibië. Dié bydraes, tesame met haar onbaatsugtige toewyding, het reeds honderde lewens aangeraak en bied hoop waar daar eens wanhoop was en uiteindelik ’n ligpunt waar die donker gedreig het om altyd te bly. In ’n wêreld wat meer as dikwels gekenmerk word deur lyding en teenspoed, is Tilla en haar sopkombuis ’n baken van hoop wat wys wat ’n reuseverskil aan iemand se lewe gemaak kan word wanneer iemand regtig omgee. – republikein@republikein.com.na

Tilla se omgeehart

Kommentaar

Republikein 2026-02-03

Meld asseblief aan om kommentaar te lewer

Tilla se omgeehart

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.