Speke sing vir weggooi- en kwesbare babas

Wanneer All4TheBabies Vrydagmiddag in die moordende Desert Dash wegspring, is elke trap, opdraand en afdraand, vir Namibië se weggooi- en kwesbare babas. All4TheBabies se span laat vanjaar weer die speke sing om broodnodige fondse in te samel om aan hierdie babas wat dit die nodigste het, ‘n liefdevolle skuiling, sorg en die kans om aangeneem te word, te bied. Besighede en lede van die publiek kan deur hul borgskap van die 401 kilometer vanaf Windhoek, deur die woestyn tot in Swakopmund, verseker dat met elke bydrae die toekoms van hierdie mees weerlose klein Namibiërs tog ook rooskleurig lyk. Geld wat so ingesamel word, gaan aan die tydelike tuiste vir weggooi- en kwesbare babas op Swakopmund, Ruach Elohim, sowel as Hope for Life in Windhoek. Die bankbesonderhede vir All4TheBabies is FNB, takkode 280472, reknr. 64281439644.

Die hoofborge van All4TheBabies se dapper fietsryers vir die Desert Dash is MTC Namibia en Oshitenda, terwyl Abenteuer Afrika Safari, Atlantic Villa, JM Recovery Services, Nedbank Namibia, Ondukua Engineering Solutions, Perfect Water, Soweto Motor Spares, en Two Beards. Vir navrae skakel 081 248 1604 of stuur ‘n boodskap aan [email protected].