Ses vroue aan stuur by EHRA

Vandag word Wêreldvrouedag herdenk. Op dié dag word die maatskaplike, ekonomiese, kulturele en politieke prestasies van vroue van oraloor die wêreld gevier. In Namibië het ons ses vroue wat aan die stuur van ’n bewaringorganisasie staan. Die span van Elephant Human Relations Aid (EHRA) is baanbrekers in ’n beroep waar vroue steeds opvallend onderverteenwoordig is. “EHRA is trots op die ses vroue wat hul ervaring, passie en toewyding werk toe bring en verseker dat ’n betekenisvolle impak in bewaring gemaak word. Die vroue is Rachel Harris, besturende direkteur; dr. Betsy Fox, direkteur; Christin Winter, bestuurder van bewaringprogramme; Shannon Diener, bestuurder van die Peace-projek; Anna Sheehama, assistent vir bewaringsprogramme; en Victro Ouses, kantoorbestuurder,” het Samantha Wilkins gesê.Volgens EHRA is ’n groot aantal internasionale en plaaslike vrywilligers by die organisasie betrokke. “’n Aansienlike aantal vrouestudente wat natuurbewaring by die Universiteit van Wetenskap en Tegnologie (Nust) studeer, kies om hul internskap van ses maande by EHRA te voltooi. Hierdie tendens van vroue in bewaring is opmerklik en bemoedigend. “In noue samewerking met die span in die veld, werk EHRA se vroueleiers onvermoeid om bewaringsprogramme te implementeer en te ontwikkel wat begrip en verdraagsaamheid tussen olifante en mense bevorder. “Deur opvoeding, opleiding, navorsing, geldinsameling en gemeenskapsuitreike, het EHRA ten doel om Namibië se woestyn-aangepaste olifante te bewaar deur mens-olifant-konflik te verminder.”“Wêreldvrouedag is ’n geleentheid om die bydraes van vroue in bewaring te erken, asook die uitdagings wat vroue in die bedryf in die gesig staar. EHRA is trots om ’n organisasie te wees wat die waarde van vroueleierskap erken en die vooruitgang van vroue in bewaring ondersteun, het Wilkins gesê.Volgens Harris is vroue onderverteenwoordig in bewaringsverwante rolle, met vroue wat minder as 30% van die arbeidsmag in dié bedryf in Afrika uitmaak. “Dit is hoekom ek so trots is om die werk van ons vrouespanlede op Wêreldvrouedag uit te lig. Ons verskeie inisiatiewe en geldinsamelingspogings sou eenvoudig nie moontlik wees sonder hierdie vroue nie, wat ongelooflike vasberadenheid toon om ’n positiewe impak in ons gemeenskap te maak.” – tanja@republikein.com.na

Ses vroue aan stuur by EHRA

Kommentaar

Republikein 2025-11-05

Meld asseblief aan om kommentaar te lewer

Ses vroue aan stuur by EHRA

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.