Reis saam met Aitsa!

Nuusredaksie – Die eerste tweeweeklikse episode van Aitsa! het op Woensdag 16 Julie om 20:30 op verskeie platforms begin, insluitend oneuptwo.com, NTV (DStv kanaal-285 en GOtv kanaal-25), Network Media Hub en die NTV Afrikaanse YouTube-kanale.Aitsa!-joernalis en aanbieder Otis Daniels sê die handelsmerk, wat op 1 April bekend gestel is, is nou goed gevestig en trek aandag waarheen sy reise hom ook al neem om mense en plekke te ontdek.“Aitsa! het ’n betroubare handelsmerk geword met 3 500 volgelinge op ons Facebook-blad en bereik (reach of) meer as 500 000 mense,” het Daniels gesê.Die handelsmerk bevat plaaslike inhoud en vertel die stories van mense en hul dorpe oor verskeie platforms, insluitend televisie en sosiale media.“My missie is om daardie sogenaamde ‘klein dorpies’ te verken en die kulture en tradisies van die uitsonderlike mense wat daar woon met kykers en lesers te deel.”Hy het bygevoeg: “Ek moedig almal aan om die pad te neem wat minder verken word en die unieke uitkyk wat hierdie plekke en mense bied, te ervaar.”INHOUDAitsa! sal nie net op suidelike Namibië fokus nie.“Aitsa! behoort aan almal. Hierdie deel van die wêreld is die hartklop van Afrika, en die idee is om ook die Noord-Kaap in Suid-Afrika te besoek en uiteindelik die hele Afrika te verower,” het Daniels verduidelik.“Ons wil onsself nie beperk nie.”In die eerste episode het Daniels die Koës Rally besoek en stof opgeskop. Hy het ook met ’n verpleegster en dokters op Lüderitz gesels oor die menslike papillomavirus (HPV)-inentingsveldtog wat op 8 Augustus van stapel gestuur word.Die episode is afgesluit met ’n besoek aan die kokerboomwoud en Giant’s Playground op die plaas Gariganus, wat sowat 14 km noordoos van Keetmanshoop geleë is.Daniels moedig gemeenskapslede met interessante stories aan om hom te kontak.“Kontak my gerus by 081 299 1211 en laat ons vir Afrika en die wêreld wys waaroor die mense van die Suide gaan deur ons stories, kultuur en tradisies te deel.”Indien jy die eerste episode van Aitsa! misgeloop het, kan jy dit hier kyk: https://oneuptwo.com//show?xx0wa1es3qn6lsvsncof of die heruitsendings op Donderdae om 18:30 en Vrydae om 20:30 kyk. Volg Aitsa! op Facebook en besoek die Aitsa!-webwerf by aitsafrika.com vir plaaslike nuus.– republikein@republikein.com.na

Reis saam met Aitsa!

Kommentaar

Republikein 2025-11-03

Meld asseblief aan om kommentaar te lewer

Reis saam met Aitsa!

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.