Pappas wys môre hul staal

Belangstellendes word daaraan herinner dat die My Pappa Kan-familiedag môre vanaf 08:00 op Tsumeb plaasvind, waar pappas en selfs oupas teen mekaar gaan meeding in verskeie uitdagings. Die pappas sal elk tien uitdagings die hoof moet bied – wat aktiwiteite insluit soos om spykers met ’n hamer in te kap – goed wat pa’s in die algemeen reeds kan doen. Republikein sal die geleentheid bywoon om dekking daaraan te gee. Die geleentheid vind op Tsumeb Gimnasium se sportgronde plaas en aan die einde van die dag sal daar ook pryse vir die sterkste en dapperste pappas uitgedeel word.“Ons wil ons pappas vier, ons wil hulle weer soos die koning van die huis laat voel, want dit is hoe belangrik hulle vir ons is.” Só het Tsumeb se Anna-Marie Erasmus, wat die geleentheid koördineer, voorheen aan Republikein gesê. “Die hele idee agter die inisiatief is om te wys ons pappas is sterk, hulle kan enigiets doen, hulle kán die druk van die lewe hanteer en hul gesinne onderhou. Hulle kán swaar sakke optel en hulle kan sewe sakke sout saam met die mammas en gesinne opeet.“Hierdie dag is vir hulle en ons wil hulle ’n bietjie ophef,” sê Anna-Marie. Sy is op die raad van die Gluck-auf Kindergarten en vorm deel van ’n span wat die geleentheid aanbied. Tot 100 pappas en 50 oupas sal vir die geleentheid kan inskryf en in ’n prettige kompetisie mekaar die stryd aansê. “Ek dink daar is ’n gebrek hieraan in ons land – lekker dae waar families kan saamkuier. Daar sal verskeie en unieke stalletjies vir ma’s beskikbaar wees, terwyl daar verskeie aktiwiteite vir kinders sal wees, wat insluit om met Daisy-geweertjies te skiet, springkastele en treinritte. “Die aand sal ’n lofprysingsgeleentheid aangebied word met ’n spreker uit Suid-Afrika, past. Carel Marais, wat gaan gesels oor hoe ons aardse pappas ons hemelse Pappa verteenwoordig en ons op dieselfde manier probeer bystaan en beskerm,” het sy gesê. Vir meer inligting, kontak Anna-Marie by 081 853 2349. – elvira@republikein.com.na

Pappas wys môre hul staal

Kommentaar

Republikein 2025-05-01

Meld asseblief aan om kommentaar te lewer

Pappas wys môre hul staal

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie