Onwettige sandmynbou bly ‘n uitdaging
Spesifieke regulasies ontwikkel
Die wet het 'n aantal aktiwiteite identifiseer wat die potensiaal het om die omgewing te benadeel en dus nie sonder 'n omgewingsklaringsertifikaat onderneem kan word nie.
Ellanie Smit - Die toename van onwettige sandmynaktiwiteite bly ‘n uitdaging in Namibië en die ministerie van die omgewing, bosbou en toerisme het konsepregulasies spesifiek vir sandmynbou ingevolge die wet op omgewingsbestuur ontwikkel.
Dit is om koördinasie en regulering van die natuurlike hulpbron te verbeter. Die regulasies sal egter eers in die Staatskoerant gepubliseer word sodra die wet op omgewingsbestuur dienooreenkomstig gewysig is.
Teofilus Nghitila, uitvoerende direkteur by die ministerie van omgewingsake, het die inligting bekend gemaak in 'n verklaring wat deur die ministerie uitgereik is. Volgens hom is altesaam 1 600 aansoeke vir omgewingsklaring deur die omgewingsministerie gedurende die jaar ontvang waarvan 984 sertifikate uitgereik is.
Nghitila het gesê die sertifikate wat uitgereik is, was veral vir aktiwiteite wat verband hou met gevaarlike stowwe, infrastruktuurontwikkeling, stedelike ontwikkeling en mynbou.
“In vergelyking met vorige jare, het aansoeke om omgewingsklaringsertifikate verbeter as gevolg van die aanlyn aansoekstelsel en die verhoging van bewusmakingsaktiwiteite wat uitgevoer is.”
Nghitila het verduidelik die omgewingsbestuurswet is uitgevaardig om beskerming van die omgewing te verseker.
Die wet het ‘n aantal aktiwiteite identifiseer wat die potensiaal het om die omgewing te benadeel en dus nie sonder ‘n omgewingsklaringsertifikaat onderneem kan word nie.
“Ons het 85% nakomings aan die bepalings van hierdie wet aangeteken.”
Hy het gesê dat ten spyte van die uitdagings van beperkte finansiële en menslike hulpbronne, is ‘n totaal van 150 terreine vir omgewingsvoldoening en -monitering inspekteer. Altesaam 20 nakomingsbevele is uitgereik wat hoofsaaklik verband hou met afvalbestuur en sandmynaktiwiteite.
“Onwettige sandmynbou bly ‘n uitdaging en die ministerie werk nou saam met die polisie om die skuldiges beter te reguleer en voor die hof te bring wanneer dit kom by onwettige sandmynaktiwiteite.”
Nghitila het gesê die pad vorentoe volg op konsultasies en raad van die kantore van die prokureur-generaal en die aanklaer-generaal. - [email protected]
Dit is om koördinasie en regulering van die natuurlike hulpbron te verbeter. Die regulasies sal egter eers in die Staatskoerant gepubliseer word sodra die wet op omgewingsbestuur dienooreenkomstig gewysig is.
Teofilus Nghitila, uitvoerende direkteur by die ministerie van omgewingsake, het die inligting bekend gemaak in 'n verklaring wat deur die ministerie uitgereik is. Volgens hom is altesaam 1 600 aansoeke vir omgewingsklaring deur die omgewingsministerie gedurende die jaar ontvang waarvan 984 sertifikate uitgereik is.
Nghitila het gesê die sertifikate wat uitgereik is, was veral vir aktiwiteite wat verband hou met gevaarlike stowwe, infrastruktuurontwikkeling, stedelike ontwikkeling en mynbou.
“In vergelyking met vorige jare, het aansoeke om omgewingsklaringsertifikate verbeter as gevolg van die aanlyn aansoekstelsel en die verhoging van bewusmakingsaktiwiteite wat uitgevoer is.”
Nghitila het verduidelik die omgewingsbestuurswet is uitgevaardig om beskerming van die omgewing te verseker.
Die wet het ‘n aantal aktiwiteite identifiseer wat die potensiaal het om die omgewing te benadeel en dus nie sonder ‘n omgewingsklaringsertifikaat onderneem kan word nie.
“Ons het 85% nakomings aan die bepalings van hierdie wet aangeteken.”
Hy het gesê dat ten spyte van die uitdagings van beperkte finansiële en menslike hulpbronne, is ‘n totaal van 150 terreine vir omgewingsvoldoening en -monitering inspekteer. Altesaam 20 nakomingsbevele is uitgereik wat hoofsaaklik verband hou met afvalbestuur en sandmynaktiwiteite.
“Onwettige sandmynbou bly ‘n uitdaging en die ministerie werk nou saam met die polisie om die skuldiges beter te reguleer en voor die hof te bring wanneer dit kom by onwettige sandmynaktiwiteite.”
Nghitila het gesê die pad vorentoe volg op konsultasies en raad van die kantore van die prokureur-generaal en die aanklaer-generaal. - [email protected]
Kommentaar
Republikein
Geen kommentaar is op hierdie artikel gelaat nie