Ons is saam

’n Kragtige en tasbare bewys en boodskap van liefde, respek en waardering vir die onbaatsugtige opofferings oor die jare deur Rehoboth en die Hardapstreek se oues van dae. Danie Loxton van Loxton-slaghuis op die dorp was die gasheer van vanjaar se Cook-off op Rehoboth waar warm maaltye aan bejaardes en minderbevoorregte lede van die gemeenskap met liefde en sorg bedien is. Die boodskap was ’n gebaar van waardering aan die wyses en gryses en ook dié in nood en het die streek se verbintenis tot eenheid en sorgsaamheid bevestig.Dié inisiatief, ’n sigbare bewys van ’n gemeenskap wat dien en uitreik na sy mees kwesbare inwoners, het ook Hardap se goewerneur, Riaan McNab, as gas ingesluit, asook verteenwoordigers van First National Bank, Bank Windhoek, Bonlife, asook verskeie vennote en ondersteuners uit die gemeenskap. Met elkeen verbind tot ’n gedeelde verbintenis tot maatskaplike opheffing en sorg vir hul gemeenskap. McNab het die regering se toewyding beklemtoon om ’n samelewing te skep waar sy ouer inwoners met waardigheid en respek behandel word. Hy het die gemeenskap verseker dat die Namibiese regering saam en in eenheid met sy inwoners en veral sy bejaardes staan. McNab was ook vol lof vir Loxton se patriotisme en onwrikbare ondersteuning tot die welstand van sy gemeenskap. Hy het Loxton-slaghuis en sy vennote uitgesonder vir hul volgehoue voorspraak vir maatskaplike verantwoordelikheid in die streek. Die spesiale dag is afgesluit met lekker langarm op tradisionele musiek. Kliek hier: https://q.my.na/EUW0

Ons is saam

Kommentaar

Republikein 2025-11-03

Meld asseblief aan om kommentaar te lewer

Ons is saam

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.