Omstrede pastoor haal weer die nuus
Beswaardes stop erediens
Beswaarde gemeentelede het tydens die erediens daarop aangedring dat die kerk moet sluit weens beweerde wanbestuur en bedrog aan die kant van sy omstrede pastoor.
Ontstoke lede van ‘n gemeente in die Soweto-nedersetting in Windhoek het Sondag die erediens uit frustrasie onderbreek en aangedring op antwoorde oor waarom ‘n omstrede pastoor ten spyte van ernstige klagtes teen hom nog nie die trekpas gekry het nie. Die klagtes teen pastoor Willem Collin Cloete van die Evangeliese Lutherse Kerk van Namibië (ELCRN) se Tanidare-gemeente in Soweto sluit onder meer ernstige aanklagte van finansiële wanbestuur in. ‘n Petisie met handtekeninge van beswaarde gemeentelede in die Soweto-, Hakahana-, Goreangab- en Otjomuise-nedersettings saam met ‘n stewige pak dokumente met klagtes en ondersteunende bewyse van elke aanklag is op 12 November aan die Windhoek-kring van die kerk oorhandig. Die petisie vra vir dringende optrede en wat insluit die onmiddellike verwydering van Cloete as pastoor van die Tanidare-gemeente.
Cloete was in 2022 ook in die nuus toe hy op twee aanklagte van verkragting van ‘n 18-jarige lid van sy gemeente in hegtenis geneem is. Die vrou het beweer Cloete het haar sedert 2020 glo herhaaldelik verkrag.
In 2014 was Cloete een van die 14 ELCRN-pastore wat daarvan beskuldig is dat hulle ‘gerieflikheidshuwelike’ tussen buitelanders en Namibiërs voltrek en het hy gevolglik sy status as huweliksbeampte verloor. In van die dokumente wat ook in besit van Network Media Hub (NMH) is, sê pastoor George du Toit van die Windhoek-kring in ‘n brief op 20 November aan Cloete dat hy na twee weke steeds nie op die klagtes wat teen hom ingedien is, gereageer het nie. ‘n Versoek wat na gister se frustrasie en summiere opskorting van die erediens klaarblyklik op dowe ore geval het en met Cloete wat blyk nie “alles in jou geestelike vermoë” gedoen het om die spanning en ongelukkigheid soos beskryf in die brief op te los nie. Die brief maak dit ook duidelik dat Cloete ten spyte van die klagtes teen hom steeds die aangestelde geestelike leier van die Tanidare-gemeente bly. Van die ondersteunende dokumente in die klagtes teen Cloete verwys na sy inmenging by die finansiële sake van die gemeente en dat geld wat veronderstel is om rekenskap van gegee en gebank te word, na bewering in sy sak beland sonder die kennis of toestemming van die finansiële komitee. Cloete word daarvan beskuldig dat hy glo sy eie kwitansieboek het, offerandes en bydraes na bewering gebruik het vir van ‘n motoronderdeel tot petrol en etes vir ‘n sinodevergadering wat glo nooit plaasgevind het nie. Deel van die geld wat Cloete na bewering aan die gemeente skuld, is die borgtog van N$10 000 wat as ‘n lening aan hom betaal is. In totaal beweer die beswaarde gemeentelede skuld Cloete die Tanidare-gemeente N$29 00.70. Hy word ook daarvan beskuldig dat hy glo “doen wat hy wil sonder enige konsultasie” en dat hy na bewering by verskeie geleenthede vroulike raadslede glo gevloek en beledig het. Ook sou hy na bewering die gemeente se oudstes “dom”, “simpel”, “septies” en “nutteloos” genoem het. Sy gevoelens teenoor dié wat oor hom kla en hom teengaan, glip volgens beswaardes ook tydens eredienste uit met sy preke wat eerder glo oor sy persoonlike gevoelens gaan as om ‘n preek te lewer. Met verwysing na troues en begrafnisse beweer die beswaardes “in die geskiedenis van Tanidare-gemeente” het betalings van die bruidspaar “nog nooit die koffers van die gemeente bereik” wanneer huwelikseremonies voltrek word nie. Omdat Cloete nie meer ‘n lisensie het om huweliksertifikate te onderteken en uit te reik nie, gebruik hy na bewering die lisensies van verskillende pastore wat die sertifikate mag onderteken. Volgens die beswaardes is alle betalings vir huweliksertifikate glo direk in Cloete se rekening betaal wat dit dan weer aan die ander pastore moes betaal. Die klagtes verwys en sluit ook videomateriaal wat op sosiale media gesirkuleer het waar Cloete na bewering alkohol sou misbruik. Na bewering het hy ook nie tydens sy ampstermyn by die gemeente ooit enige plase of buite kerke onder sy jurisdiksie en as deel van sy werksverpligtinge besoek nie. Cloete het teen druktyd nie op enige navrae om kommentaar gereageer nie. - [email protected]
Cloete was in 2022 ook in die nuus toe hy op twee aanklagte van verkragting van ‘n 18-jarige lid van sy gemeente in hegtenis geneem is. Die vrou het beweer Cloete het haar sedert 2020 glo herhaaldelik verkrag.
In 2014 was Cloete een van die 14 ELCRN-pastore wat daarvan beskuldig is dat hulle ‘gerieflikheidshuwelike’ tussen buitelanders en Namibiërs voltrek en het hy gevolglik sy status as huweliksbeampte verloor. In van die dokumente wat ook in besit van Network Media Hub (NMH) is, sê pastoor George du Toit van die Windhoek-kring in ‘n brief op 20 November aan Cloete dat hy na twee weke steeds nie op die klagtes wat teen hom ingedien is, gereageer het nie. ‘n Versoek wat na gister se frustrasie en summiere opskorting van die erediens klaarblyklik op dowe ore geval het en met Cloete wat blyk nie “alles in jou geestelike vermoë” gedoen het om die spanning en ongelukkigheid soos beskryf in die brief op te los nie. Die brief maak dit ook duidelik dat Cloete ten spyte van die klagtes teen hom steeds die aangestelde geestelike leier van die Tanidare-gemeente bly. Van die ondersteunende dokumente in die klagtes teen Cloete verwys na sy inmenging by die finansiële sake van die gemeente en dat geld wat veronderstel is om rekenskap van gegee en gebank te word, na bewering in sy sak beland sonder die kennis of toestemming van die finansiële komitee. Cloete word daarvan beskuldig dat hy glo sy eie kwitansieboek het, offerandes en bydraes na bewering gebruik het vir van ‘n motoronderdeel tot petrol en etes vir ‘n sinodevergadering wat glo nooit plaasgevind het nie. Deel van die geld wat Cloete na bewering aan die gemeente skuld, is die borgtog van N$10 000 wat as ‘n lening aan hom betaal is. In totaal beweer die beswaarde gemeentelede skuld Cloete die Tanidare-gemeente N$29 00.70. Hy word ook daarvan beskuldig dat hy glo “doen wat hy wil sonder enige konsultasie” en dat hy na bewering by verskeie geleenthede vroulike raadslede glo gevloek en beledig het. Ook sou hy na bewering die gemeente se oudstes “dom”, “simpel”, “septies” en “nutteloos” genoem het. Sy gevoelens teenoor dié wat oor hom kla en hom teengaan, glip volgens beswaardes ook tydens eredienste uit met sy preke wat eerder glo oor sy persoonlike gevoelens gaan as om ‘n preek te lewer. Met verwysing na troues en begrafnisse beweer die beswaardes “in die geskiedenis van Tanidare-gemeente” het betalings van die bruidspaar “nog nooit die koffers van die gemeente bereik” wanneer huwelikseremonies voltrek word nie. Omdat Cloete nie meer ‘n lisensie het om huweliksertifikate te onderteken en uit te reik nie, gebruik hy na bewering die lisensies van verskillende pastore wat die sertifikate mag onderteken. Volgens die beswaardes is alle betalings vir huweliksertifikate glo direk in Cloete se rekening betaal wat dit dan weer aan die ander pastore moes betaal. Die klagtes verwys en sluit ook videomateriaal wat op sosiale media gesirkuleer het waar Cloete na bewering alkohol sou misbruik. Na bewering het hy ook nie tydens sy ampstermyn by die gemeente ooit enige plase of buite kerke onder sy jurisdiksie en as deel van sy werksverpligtinge besoek nie. Cloete het teen druktyd nie op enige navrae om kommentaar gereageer nie. - [email protected]
Kommentaar
Republikein
Geen kommentaar is op hierdie artikel gelaat nie