Old Mutual ondersteun buurtwagte

In die poging om verskeie buurtwagte in Namibië te ondersteun, het Old Mutual in Junie 2021 &#039;n buurtwag-ondersteuningsinisiatief geloods waar hulle alle geregistreerde buurtwagte en gemeenskapspolisiëringsgroepe regoor die 14 streke van die land genooi het om aansoek te doen vir borgskap van toerusting tot die totale waarde van N$80 000.“Die doel is om buurtwagte in staat te stel om misdaad in hul onderskeie gemeenskappe te help bekamp en misdaadvoorkomingspogings in hul gemeenskappe te versterk,” lui ’n mediaverklaring wat deur Old Mutual se waarnemende bemarkings- en kommunikasiebestuurder, me. Ashante Manetti, versprei is.Old Mutual het glo 63 aansoeke uit verskeie streke ontvang en het na &#039;n streng keurtingsproses, is slegs 10 buurtwagte gekies. “Daarna is die kortlyskandidate genooi om &#039;n 15 minute aanbieding aan &#039;n paneel te doen om hul aansoek verder te motiveer. Die paneel het uit eksterne en interne beoordelaars bestaan wat die finale top drie wenners gekies het.”Die Kappsfarm- (Khomas), Aus Agri- (/Kharas), en Namib-buurtwag (Hardap) is gekies en elkeen het materiaal en toerusting van hul keuse ter waarde van N$25 000 ontvang.Verder troospryse van N$2 500 elk was ook aan die Smarties Okahandja-buurtwag in die Otjozondjupa-streek en die Swakopmund Crime Stoppers toegeken.Old Mutual beplan om vanaf Maart 2022 tot Februarie 2023 vyf buurtwagte en gemeenskapspolisiëringsgroepe kwartaalliks met toerusting of materiaal van hul keuse ter waarde van N$20 000 te ondersteun.ONDERSTEUN REEDS VANAF 2015Old Mutual bied reeds vanaf 2015 ondersteuning aan gemeenskapsmisdaadvoorkomingsinisiatiewe deur, in samewerking met die Namibiese Polisiemag, sukkelende geregistreerde Buurtwagte in Namibië te identifiseer en met die nodige materiaal en toerusting te bekwaam.Old Mutual het vanaf 2018 tot 2020 meer as N$450 000 in Buurtwag-programme belê deur onder meer kringtelevisiekameras, uniforms, flitsligte, toegangsborde en magnetiese plakkers te skenk en alles is van plaaslike verskaffers aangekoop.HOE DOEN JY AANSOEK?Deelnemers word versoek om bewys van registrasie van hul buurtwag by die regulerende owerhede (NAMPOL en Buurtwagvereniging) in te dien, asook volle name en kontakbesonderhede van sy beheerlede. Aansoekers kan enige aangetekende misdaaddata soos getuigskrifte van hul pogings en bewyse van hoë misdaadgebiede en brandpunte insluit om hul saak te versterk. Die Buurtwag of Gemeenskapspolisiëringsgroep kan hul aansoeke aan Old Mutual Foundation na die e-pos foundation@oldmutual.com stuur. Die sperdatum vir aansoeke is Vrydag, 3 April 2022.-republikein@republikein.com.na

Old Mutual ondersteun buurtwagte

Kommentaar

Republikein 2025-11-05

Meld asseblief aan om kommentaar te lewer

Old Mutual ondersteun buurtwagte

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.