’n Museum vir oud en jonk

“Die Jasper House Museum is na die eerste algemene mynbestuurder en na die mooi rooi klippies, wat oral langs die rivier en in die dorp rondlê, vernoem,” het Garaldine Kavari, die bestuurder van die museum op Oranjemund, gesê.Die huis is vir verskeie doeleindes gebruik voordat dit in 1989 die erfenissentrum geword het. “Mense het vrywillig begin om hulle artefakte na die huis te bring. Dit sluit in goed wat hulle in hulle huise gehad het of iewers opgetel het tot grafstene, ’n wa wat destyds op die treinspoor gebruik is en selfs walvisbene. “Ons het tans meer as 4 000 artefakte waarvan baie nog in ’n stoorkamer is omdat die museum te klein is. Die Jasper House Museum is ’n inisiatief van die hele Oranjemund-gemeenskap, onder leiding van OMDis, Namdeb en OMS 2023 om die geskiedenis van die dorp uit te beeld en aan die toekoms te dink.”Die museum is in 2020 herstel en opgeknap. Helen Harris en Gina Figueira van die StArt Art Gallery in Windhoek is vir die ontwerp, uitleg en opstel verantwoordelik. Die beskrywings van die artefakte en uitstallings is in maklike Engels wat dit verstaanbaar maak vir oud en jonk en die hele museum-ervaring ’n plesier maak.UITSTALLINGS“Soos jy die museum binnekom het ons eerste die uitstalling waar daar aan die items gevat mag word. Normaalweg mag jy in ’n museum aan niks vat nie. Hier in die eerste kamer wil ons juis hê mense, veral kinders, moet aan alles vat om ’n gevoel van ’n museum en die geskiedenis te kry.”Daarna volg ’n uitstalling oor trekarbeiders, die Bom Jesus-skeepswrak en algemene mynbou.Een hele vertrek is aan die sosiale geskiedenis van die dorp gewy. Hier kan items besigtig word wat in mense se huise voorgekom het en wat hulle in hul alledaagse lewe gebruik het. “Ons kan sien watter sport hulle beoefen het en hoe die skole was en nou is. Ook die mynbougeskiedenis vanaf CDM tot Namdeb word vertoon en daar is kaarte teen die mure wat nog met die hand geteken is. “Dan het ons ’n kamer vir diere, fossiele en die San wat eerste in die omgewing gewoon het. Ons het bene en tande van die prehistoriese olifante asook gereedskap wat deur die San gebruik is. Ons het ook ‘n replika van die Orange River Man se kopbeen. Hy word as die oudste Namibiër beskou.”Die laaste kamer is vir die toekoms en mense kan ’n boodskap, foto of prent daar agterlaat van Oranjemund van vandag of van ouds. “Hulle kan ook net ’n boodskap los oor hulle toekomsdrome vir die dorp.” – tanja@republikein.com.na

’n Museum vir oud en jonk

Kommentaar

Republikein 2025-11-04

Meld asseblief aan om kommentaar te lewer

’n Museum vir oud en jonk

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.