Meerderheid Namibiërs ten gunste van seksonderrig
1 200 mense bo die ouderdom van 18 jaar
Net minder as twee derdes van respondente (65%) sê vroue moet tronkstraf opgelê word indien hulle kies om 'n swangerskap te beëindig.
’n Nuwe Afrobarometer-opname toon die oorgrootte meerderheid van Namibiërs (83%) glo seksonderrig moet in skole in die land aangebied word. Net minder as twee derdes van die opname se respondente (65%) het gesê hulle glo vroue moet tronkstraf opgelê word indien hulle kies om ’n swangerskap te beëindig.
Afrobarometer-opnames word uitgevoer onder steekproefgroepe van 1 200 mense bo die ouderdom van 18 jaar wat die demografiek van ’n land verteenwoordig. In Namibië word die proefgroep deur die Namibië Statistieke Agentskap (NSA) verskaf. Dié toetsmetode bied 95% vertroue binne drie persentasiepunte. Die jongste verslag oor openbare menings rakende seksonderrig, aborsie en voorbehoedmiddels. Net minder as driekwart van die proefgroep (74%) glo dat voorbehoedmiddels beskikbaar gestel moet word aan almal wat seksueel aktief is, ongeag van ouderdom. Die opname toon dit is meestal vroue en jongmense wat hierdie siening het. In die opname het 77% van respondente gesê dat hulle glo voorbehoedmiddels moet beskikbaar wees aan enige persoon, ongeag van hul huwelikstatus.
Ongeveer 85% het geantwoord hulle glo dat meisies steeds toegelaat moet word om hul skoolloopbaan te voltooi, indien hulle tydens hul skooljare swanger raak. Meer as 80% van die respondente is dit eens dat vroue moet besluit hoeveel kinders hulle wil hê en wanneer. Meer opgevoede respondente, vroue en jongmense is meer geneig om dié siening te deel.
Net minder as driekwart (72%) het geantwoord dat ’n aborsie "soms" of "altyd" geregverdig is, indien die ma se gesondheid in gevaar is. Sowat 60% het gesê ’n aborsie is geregverdig as die swangerskap die nagevolg van verkragting of bloedskande is. Net meer as die helfte (52%) het geantwoord dat ’n aborsie geregverdig is in gevalle waar ekonomiese toestande dit moeilik vir die ma sal maak om na die kind om te sien.
Christie Keulder van Survey Warehouse, Afrobarometer se vennoot in Namibië, het tydens die bekendstelling van die inligting gesê nog inligting wat verband hou met die verdraagsaamheid van verskeie seksualiteitsgroepe en wat voortspruit uit die opname, sal ook vrygestel word.
- [email protected]
Afrobarometer-opnames word uitgevoer onder steekproefgroepe van 1 200 mense bo die ouderdom van 18 jaar wat die demografiek van ’n land verteenwoordig. In Namibië word die proefgroep deur die Namibië Statistieke Agentskap (NSA) verskaf. Dié toetsmetode bied 95% vertroue binne drie persentasiepunte. Die jongste verslag oor openbare menings rakende seksonderrig, aborsie en voorbehoedmiddels. Net minder as driekwart van die proefgroep (74%) glo dat voorbehoedmiddels beskikbaar gestel moet word aan almal wat seksueel aktief is, ongeag van ouderdom. Die opname toon dit is meestal vroue en jongmense wat hierdie siening het. In die opname het 77% van respondente gesê dat hulle glo voorbehoedmiddels moet beskikbaar wees aan enige persoon, ongeag van hul huwelikstatus.
Ongeveer 85% het geantwoord hulle glo dat meisies steeds toegelaat moet word om hul skoolloopbaan te voltooi, indien hulle tydens hul skooljare swanger raak. Meer as 80% van die respondente is dit eens dat vroue moet besluit hoeveel kinders hulle wil hê en wanneer. Meer opgevoede respondente, vroue en jongmense is meer geneig om dié siening te deel.
Net minder as driekwart (72%) het geantwoord dat ’n aborsie "soms" of "altyd" geregverdig is, indien die ma se gesondheid in gevaar is. Sowat 60% het gesê ’n aborsie is geregverdig as die swangerskap die nagevolg van verkragting of bloedskande is. Net meer as die helfte (52%) het geantwoord dat ’n aborsie geregverdig is in gevalle waar ekonomiese toestande dit moeilik vir die ma sal maak om na die kind om te sien.
Christie Keulder van Survey Warehouse, Afrobarometer se vennoot in Namibië, het tydens die bekendstelling van die inligting gesê nog inligting wat verband hou met die verdraagsaamheid van verskeie seksualiteitsgroepe en wat voortspruit uit die opname, sal ook vrygestel word.
- [email protected]
Kommentaar
Republikein
Geen kommentaar is op hierdie artikel gelaat nie