Media-ombudsman binnekort bekend

Die Redakteursforum van Namibië (EFN) sal die nuwe media-ombudsman op 18 Julie bekend stel, nadat John Nakuta se termyn amptelik op Maandag 30 Junie verstryk het.Nakuta het 282 klagtes aangehoor rakende die plaaslike media gedurende sy sewe jaar en tien maande as Namibië se media-ombudsman, insluitend kwessies wat verband hou met die kantoor van die president en die regbank, volgens die EFN.Terselfdertyd sal die forum ’n nuwe voorsitter aankondig, nadat Frank Steffen, die redakteur van die Duitse dagblad Allgemeine Zeitung, twee tweejaartermyne gedien het, plus ’n bykomende jaar en ses maande. Hy sal voortgaan om leiding te gee tot die spesiale EFN-vergadering op 18 Julie.Intussen volg onderhoude met kortlys-kandidate vir die posisie van media-ombudsman en ook vir moontlike nuwe lede om die forum te lei.Die EFN moes verlede jaar afskeid neem van drie topbestuurslede. Die bekwame voormalige nuusredakteur van Republikein, Ronelle Rademeyer, is verlede jaar aan kanker oorlede. Sy was sedert 2019 die sekretaris-generaal van die EFN en sy was instrumenteel in die stigting van die EFN-joernalistoekennings.David Bishop, Namibia Future Media Holdings se voormalige nuusbestuurder, het sy pos as adjunkvoorsitter van die forum in Maart 2024 verlaat nadat hy die nuuskantoor verlaat het om private sakegeleenthede na te streef.Ashley Smith, die voormalige tesourier van die EFN, het dié pos verlaat nadat sy paaie in 2024 met The Namibian, waar hy nuusredakteur was, geskei het.Tans dien Selma Ikela as sekretaris-generaal, Toivo Ndjebela as tesourier, saam met mede-ampsdraers Peter Denk en Elizabeth Kalambo M’ule, as EFN-koördineerder.In sy uittreeverslag het Nakuta ’n beroep gedoen op die herontwerp van die kantoor van die media-ombudsman, vanweë sy belangrike toesighoudende rol rakende grondwetlike kwessies soos vryheid van spraak en mediavryheid.Hy het gesê dit is noodsaaklik dat die EFN na verskillende finansieringsmodelle kyk sodat dié kantoor doeltreffend kan funksioneer, maar steeds vry en onafhanklik kan bly. Nakuta het verwys na Duitsland waar die kantoor van die media-ombudsman deur die regering gefinansier word.– augetto@nmh-hub.com.na

Media-ombudsman binnekort bekend

Kommentaar

Republikein 2025-10-31

Meld asseblief aan om kommentaar te lewer

Media-ombudsman binnekort bekend

Kommentaar

Republikein 2025-10-31

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.