Laat die speke sing vir Dagbreek

Met ’n droom om ses nuwe klaskamers by die Dagbreek Skool in die hoofstad aan te bou, bied die skool ’n opwindende fietsrygeleentheid in Julie aan.Dié byeenkoms – wat uit drie afstande sal bestaan, naamlik 30 km, 60 km en 100 km vanaf Karibib na Wilhelmstal en terug – word in samewerking met die Top Gear-fietsryklub aangebied.“Hoewel ons fietsryers nooi om deel te neem, is dié dag ook vir die kinders,” sê Freddy Thys, een van die organiseerders.“Daar sal ook ’n korter afstand vir kinders wees om die dag saam te geniet terwyl hulle wag vir die fietsryers om terug te kom.”Volgens die skoolhoof, Paul du Plessis, was die regering tegemoetkomend om agt nuwe poste by die skool te adverteer.“Al agt poste is goedgekeur en ons is dankbaar, maar nou het ons nuwe klaskamers nodig.”Die poste sluit in onderwysers vir kuns en herwinning, landbou, karwas, kookkuns, haarkappery, om bakstene te maak, ’n pos vir mense wat met kinders met outisme kan werk en ’n departementshoof vir die intreefase-leerlinge.Paul sê Eddy Martins en Freddy het sy pad gekruis en met ’n idee vorendag gekom om nie net geld vir Dagbreek in te samel nie, maar ook om bewusmaking vir kinders met gestremdhede te skep.“Ons is afgetree, maar ons het ’n groot behoefte om terug in die gemeenskap te ploeg,” sê Freddy.Paul het gesê Namibië het baie min skole vir kinders wat met gestremdhede saamleef.“Ons doen wat ons kan en ons spog met ’n wye reeks projekte, maar ons het meer skole nodig. Die behoefte in die land is baie groter as wat ons besef.”Vir meer inligting of om vir die geleentheid te registreer, kontak die span by 081 841 5444 of 085 224 4844. – yolanda@nmh.com.na

Laat die speke sing vir Dagbreek

Kommentaar

Republikein 2025-11-03

Meld asseblief aan om kommentaar te lewer

Laat die speke sing vir Dagbreek

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.