Karasburg in rou oor oudskoolhoof
’n Sleutelfiguur in die stigting van Karasburg se primêre skool, sekondêre skool en kerk, SC du Plessis, is Dinsdag in die ouderdom van 88 oorlede.
Sy heengaan laat nie net ’n reuseleemte in sy familie se lewens nie, maar ook in diegene s’n wat hom geken het.
Hy is in Upington gebore en het op sy pa se plaas Warmvlei grootgeword. Ná skool het hy in die Paarl onderwys gaan studeer.
Die destydse regering van Suidwes-Afrika het Du Plessis in 1968 opdrag gegee om ’n primêre skool op Karasburg te begin.
Die huidige primêre skool is in 1976 gebou en huisves ook – soos die eerste skool – ongeveer 300 leerlinge.
Volgens sy dogter, Aldene du Plessis, het haar pa nog altyd ’n passie vir onderwys gehad en dit het hom ’n uitmuntende onderwyser gemaak.
“My pa het wiskunde, geskiedenis, wetenskap, aardrykskunde, houtwerk en Engels gegee. Hy was vir 42 jaar ’n onderwyser aangesien hy reeds op 18-jarige ouderdom begin klas gee het.”
“Dit was die eerste nieblanke skool in die dorp. ’n Behoefte het bestaan vir ’n skool waarnatoe die kinders van die plaaswerkers uit die omgewing kon gaan. My pa het met die stigting en bou van die skool nou saam met die administrasie vir kleurlinge gewerk en was dan ook in 1976 die eerste skoolhoof. Hy was vir 19 jaar in dié pos totdat hy in 1995 – op die ouderdom van 60 – afgetree het.”
Die behoefte vir ’n sekondêre skool en ’n koshuis het ontstaan en in 1983 is die Sekondêre Skool Lordsville vir leerlinge vanaf graad 8 gebou. Dit is gedoen in samewerking met die administrasie vir kleurlinge.
“Hy het ’n geestelike opdrag van God gekry om ’n kerk vir kleurlinge te bou en in samewerking met die NG kerk is die huidige Verenigde Gereformeerde Kerk (VGK) in 1976 gestig.”
Ná sy aftrede het Du Plessis aktief begin boer; iets wat hy weens sy liefde vir die plaaslewe en sy kinderjare op die plaas baie geniet het en in floreer het.
“Hy was ’n Christen en het ’n persoonlike verhouding met God gehad en Hom in alles geken in sy lewe en daarvoor sal ons hom onthou. Hy het altyd omgesien na sy medemens. My pa het ook in sy vroeë onderwysjare op die dorpsraad gedien en voortgegaan om aktief by die skool en kerk op die dorp betrokke te bly.
“Die lewens wat hy aangeraak het, is deel van sy nalatenskap. Hy word oorleef deur sy eggenote, vyf kinders, agt kleinkinders en een agterkleinkind.”
Sy begrafnis sal Saterdag 4 Februarie om 10:00 in die VGK Kerk op Karasburg plaasvind.
– [email protected]
Sy heengaan laat nie net ’n reuseleemte in sy familie se lewens nie, maar ook in diegene s’n wat hom geken het.
Hy is in Upington gebore en het op sy pa se plaas Warmvlei grootgeword. Ná skool het hy in die Paarl onderwys gaan studeer.
Die destydse regering van Suidwes-Afrika het Du Plessis in 1968 opdrag gegee om ’n primêre skool op Karasburg te begin.
Die huidige primêre skool is in 1976 gebou en huisves ook – soos die eerste skool – ongeveer 300 leerlinge.
Volgens sy dogter, Aldene du Plessis, het haar pa nog altyd ’n passie vir onderwys gehad en dit het hom ’n uitmuntende onderwyser gemaak.
“My pa het wiskunde, geskiedenis, wetenskap, aardrykskunde, houtwerk en Engels gegee. Hy was vir 42 jaar ’n onderwyser aangesien hy reeds op 18-jarige ouderdom begin klas gee het.”
“Dit was die eerste nieblanke skool in die dorp. ’n Behoefte het bestaan vir ’n skool waarnatoe die kinders van die plaaswerkers uit die omgewing kon gaan. My pa het met die stigting en bou van die skool nou saam met die administrasie vir kleurlinge gewerk en was dan ook in 1976 die eerste skoolhoof. Hy was vir 19 jaar in dié pos totdat hy in 1995 – op die ouderdom van 60 – afgetree het.”
Die behoefte vir ’n sekondêre skool en ’n koshuis het ontstaan en in 1983 is die Sekondêre Skool Lordsville vir leerlinge vanaf graad 8 gebou. Dit is gedoen in samewerking met die administrasie vir kleurlinge.
“Hy het ’n geestelike opdrag van God gekry om ’n kerk vir kleurlinge te bou en in samewerking met die NG kerk is die huidige Verenigde Gereformeerde Kerk (VGK) in 1976 gestig.”
Ná sy aftrede het Du Plessis aktief begin boer; iets wat hy weens sy liefde vir die plaaslewe en sy kinderjare op die plaas baie geniet het en in floreer het.
“Hy was ’n Christen en het ’n persoonlike verhouding met God gehad en Hom in alles geken in sy lewe en daarvoor sal ons hom onthou. Hy het altyd omgesien na sy medemens. My pa het ook in sy vroeë onderwysjare op die dorpsraad gedien en voortgegaan om aktief by die skool en kerk op die dorp betrokke te bly.
“Die lewens wat hy aangeraak het, is deel van sy nalatenskap. Hy word oorleef deur sy eggenote, vyf kinders, agt kleinkinders en een agterkleinkind.”
Sy begrafnis sal Saterdag 4 Februarie om 10:00 in die VGK Kerk op Karasburg plaasvind.
– [email protected]
Kommentaar