Inwoners verenig vir 'n skoner dorp
Walvisbaai hou skoonmaakdag
Die Walvisbaai-gemeenskap het 'n skoonmaakveldtog van stapel gestuur in 'n poging om die dorp een van die skoonste in Afrika te maak.
Gemeenskaplede van Walvisbaai het besluit om hul moue op te rol en bied op 25 Mei 'n skoonmaakdag aan.
Tydens hierdie skoonmaakveldtog sal daar veral gefokus word op die skoonmaak van openbare gebiede soos strande, die dorp se ingangspunte en die woestyngebiede.
Die organiseerder van die geleentheid, Elvis Goseb, moedig gemeenskapslede aan om ook hulle eie onderskeie woongebiede tydens die veldtog skoon te maak.
Verskillende bymekaarkompunte is reeds geïdentifiseer en handskoene, maskers en swart vullissakke sal by dié punte aan deelnemers voorsien word.
In Kuisebmond sal deelnemers by die sokkerstadion byeenkom, terwyl dié in Narraville by die rugbystadion sal ontmoet. Inwoners van Walvisbaai se dorpgebied sal by Jan Wilken-stadion byeenkom.
Goseb het gemeenskaplede versoek om die vullis in swartsakke te plaas en dit op die sypaadjies op straathoeke te los om dit makliker te maak vir die personeel wat die vullissakke moet oplaai.
'ONS IS TROTS'
Goseb het ook alle private maatskappye, semistaatsinstellings, staatsinstellings en alle belangegroepe uitgenooi om aan die skoonmaakdag deel te neem en 'n rol te speel om hierdie inisiatief ’n sukses te maak.
“Dit is raadsaam om in spanne te werk en vir diegene wat aan sosiale groepe of korporatiewe organisasies behoort, om hul korporatiewe drag te dra om spanwerk te bevorder”.
Goseb het verder die belangrikheid van die inisiatief beklemtoon en aangedui dat dit ’n poging is om Walvisbaai se status as een van die skoonste dorpe in Afrika, te herstel.
"Ons is trots op ons dorp, en ons speel ons rol om dit skoon te hou en volhoubaarheid te bevorder."
Vir enige navrae oor hoe om betrokke te raak by die inisiatief, kontak Goseb by 081 2910230 of per e-pos by [email protected].
– [email protected]
Tydens hierdie skoonmaakveldtog sal daar veral gefokus word op die skoonmaak van openbare gebiede soos strande, die dorp se ingangspunte en die woestyngebiede.
Die organiseerder van die geleentheid, Elvis Goseb, moedig gemeenskapslede aan om ook hulle eie onderskeie woongebiede tydens die veldtog skoon te maak.
Verskillende bymekaarkompunte is reeds geïdentifiseer en handskoene, maskers en swart vullissakke sal by dié punte aan deelnemers voorsien word.
In Kuisebmond sal deelnemers by die sokkerstadion byeenkom, terwyl dié in Narraville by die rugbystadion sal ontmoet. Inwoners van Walvisbaai se dorpgebied sal by Jan Wilken-stadion byeenkom.
Goseb het gemeenskaplede versoek om die vullis in swartsakke te plaas en dit op die sypaadjies op straathoeke te los om dit makliker te maak vir die personeel wat die vullissakke moet oplaai.
'ONS IS TROTS'
Goseb het ook alle private maatskappye, semistaatsinstellings, staatsinstellings en alle belangegroepe uitgenooi om aan die skoonmaakdag deel te neem en 'n rol te speel om hierdie inisiatief ’n sukses te maak.
“Dit is raadsaam om in spanne te werk en vir diegene wat aan sosiale groepe of korporatiewe organisasies behoort, om hul korporatiewe drag te dra om spanwerk te bevorder”.
Goseb het verder die belangrikheid van die inisiatief beklemtoon en aangedui dat dit ’n poging is om Walvisbaai se status as een van die skoonste dorpe in Afrika, te herstel.
"Ons is trots op ons dorp, en ons speel ons rol om dit skoon te hou en volhoubaarheid te bevorder."
Vir enige navrae oor hoe om betrokke te raak by die inisiatief, kontak Goseb by 081 2910230 of per e-pos by [email protected].
– [email protected]
Kommentaar
Republikein
Geen kommentaar is op hierdie artikel gelaat nie