Inwoners van Okahandja ‘voel nie meer veilig’

Die gemeenskap van Okahandja het ernstige kommer uitgespreek oor die oënskynlike mislukking van nood- en polisiëringsdienste ná die noodlottige steekvoorval van ’n 21-jarige man vroeër vandeesweek.Benjamin Rukero is Dinsdag aan veelvuldige steekwonde aan sy bors en linkerskouer dood ná ’n voorval Maandagoggend langs die dubbelrylaan agter Bridge Park in Okahandja.Volgens ’n ingeligte bron wat met Network Media Hub (NMH) gepraat het, het hy op pad huis toe op Rukero afgekom waar hy in die pad in ’n plas bloed gelê het.Die getuie het glo dadelik die nooddienste gekontak, maar is na bewering opdrag gegee om eers die polisie in kennis te stel, wat dan ’n ambulans sou ontbied.Toe die getuie die Okahandja-polisiekantoor gekontak het, is hy na bewering in kennis gestel dat daar geen voertuie beskikbaar was om na die misdaadtoneel te gaan nie.Die nooddienste het glo eers ’n paar uur later opgedaag en Rukero na die Okahandja-staatshospitaal geneem.Die bron het verder beweer ’n aparte poging om ambulansdienste te kontak, was onsuksesvol, met personeel wat aangedui het dat hulle na ander pasiënte omsien en nie kon reageer nie.Ten spyte van mediese ingryping het Rukero Dinsdag aan sy beserings beswyk.OPENBARE FRUSTRASIEDie voorval het opnuut openbare frustrasie oor die beskikbaarheid en responsiwiteit van nooddienste op die dorp aangewakker.Dit volg op ’n onlangse opdrag deur die inspekteur-generaal van die Namibiese polisie, luitenant-generaal Joseph Shikongo, wat beamptes opdrag gee om op te hou om lede van die publiek in te lig dat polisievoertuie nie beskikbaar is wanneer hulle op voorvalle moet reageer nie.Gemeenskapslede sê hulle voel nie meer veilig nie en glo instellings wat veronderstel is om inwoners te beskerm, faal in hul pligte.’n Plaaslike inwoner, Jakob Noamab, het gesê die tragedie weerspieël ’n breër ineenstorting van basiese dienste in Okahandja.Hy het die gebrek aan ambulanse en polisievoertuie, onbeantwoorde noodoproepe, vertraagde of afwesige polisiereaksies, swak sigbaarheid van beamptes en toenemende geweldsmisdaad as belangrike bekommernisse genoem.“As belastingbetalers is ons geregtig op veiligheid, noodmediese sorg en doeltreffende polisiëring,” het Noamab gesê.“Burokrasie, swak koördinering en ’n gebrek aan hulpbronne mag nooit ’n mens se lewe kos nie. “Ons eis verantwoordbaarheid, dringende ingryping en die onmiddellike verbetering in gesondheids- en polisiëringsdienste op Okahandja.”ONDERSOEK DUUR VOORTDie bevelvoerder van die polisiekantoor op die dorp, Mathias Tjarimba, het bevestig die ondersoek na die voorval is aan die gang en dat niemand nog in hegtenis geneem is nie.Die polisie het ’n klopjag van stapel gestuur en doen ’n beroep op lede van die publiek om enige inligting wat met die ondersoek kan help, aan hul naaste polisiekantoor of wetstoepassingsowerhede te verskaf.– aurelia@nmh-hub.com.na

Inwoners van Okahandja ‘voel nie meer veilig’

Kommentaar

Republikein 2026-03-13

Meld asseblief aan om kommentaar te lewer

Inwoners van Okahandja ‘voel nie meer veilig’

Kommentaar

Republikein 2026-03-13

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.