Hupstoot vir Maltahöhe se gemeenskap
Die ekonomiese vooruitgang, volhoubare ontwikkeling en die bemagtiging van die gemeenskap van Maltahöhe het ’n reuse- finansiële hupstoot ontvang en wat onder meer op die oordrag van sakevaardighede fokus.
Die Wolwedans-stigting se vlagskip-inisiatief RuralRevive wat fokus op die bou van ’n woestyngebaseerde ekonomie, het N$1 miljoen van die Capricorn-stigting ontvang en wat gebruik sal word vir die vestiging en verbetering van ses werkspakkette. Dit sluit in kapasiteitsbou en die oordrag van vaardighede vir tuinbou; die vestig van ’n verspreidingspunt vir vars produkte onder die vaandel The Barn Trading Post asook ’n gepaste toep; ’n gewaarborgde prysaansporing om produkte van die gemeenskap en kleinboere te koop; ’n geïntegreerde fasiliteit vir herwinning en die bestuur van afval met die doel om geleenthede vir lewensbestaan te skep, asook die EconoMix-program wat fokus op die oordrag van sakevaardighede en wat sal dien as die ruggraat van al RuralRevive se sakeontwikkelingsprojekte en bemagtiging van entrepreneurs.
Die RuralRevive-inisiatief het ten doel om ’n volhoubare model te bou om die sosio-ekologiese en ekonomiese aspekte van landelike gemeenskappe te versterk. Dit word gedryf deur die implementering van ’n meer inklusiewe, geïntegreerde en veerkragtige diversifisering van die ekonomie deur gemarginaliseerde vroue, kleinboere en entrepreneurs in die gemeenskappe van die Maltahöhe-distrik te betrek.
Marlize Horn, die uitvoerende hoof van die Capricorn-stigting, sê deur hul hulpbronne en kundigheid met dié van die Wolwedans-stigting te kombineer, kan ’n betekenisvolle verskil en ’n bydrae gemaak word tot die positiewe verandering in die lewens van landelike gemeenskappe en sodoende ook ’n bydrae tot Namibië se algehele sosioëkonomiese ontwikkeling maak.
“Die uitdagings wat deur landelike gemeenskappe ervaar word, is groot. Met die RuralRevive-inisiatief gee ons gemeenskappe van Maltahöhe hoop vir die toekoms en inspireer hopelik ander gemeenskappe om soortgelyke inisiatiewe te implementeer om hul plaaslike ekonomie te stimuleer,” het Horn gesê.
Ander vennote van die inisiatief sluit in die Maatskaplike Voorsorgfonds se ontwikkelingsfonds asook die Julius Baer-stigting. Vir meer inligting oor die inisiatief kan Reinhold Mangundu by [email protected] gekontak word.
– [email protected]
Die Wolwedans-stigting se vlagskip-inisiatief RuralRevive wat fokus op die bou van ’n woestyngebaseerde ekonomie, het N$1 miljoen van die Capricorn-stigting ontvang en wat gebruik sal word vir die vestiging en verbetering van ses werkspakkette. Dit sluit in kapasiteitsbou en die oordrag van vaardighede vir tuinbou; die vestig van ’n verspreidingspunt vir vars produkte onder die vaandel The Barn Trading Post asook ’n gepaste toep; ’n gewaarborgde prysaansporing om produkte van die gemeenskap en kleinboere te koop; ’n geïntegreerde fasiliteit vir herwinning en die bestuur van afval met die doel om geleenthede vir lewensbestaan te skep, asook die EconoMix-program wat fokus op die oordrag van sakevaardighede en wat sal dien as die ruggraat van al RuralRevive se sakeontwikkelingsprojekte en bemagtiging van entrepreneurs.
Die RuralRevive-inisiatief het ten doel om ’n volhoubare model te bou om die sosio-ekologiese en ekonomiese aspekte van landelike gemeenskappe te versterk. Dit word gedryf deur die implementering van ’n meer inklusiewe, geïntegreerde en veerkragtige diversifisering van die ekonomie deur gemarginaliseerde vroue, kleinboere en entrepreneurs in die gemeenskappe van die Maltahöhe-distrik te betrek.
Marlize Horn, die uitvoerende hoof van die Capricorn-stigting, sê deur hul hulpbronne en kundigheid met dié van die Wolwedans-stigting te kombineer, kan ’n betekenisvolle verskil en ’n bydrae gemaak word tot die positiewe verandering in die lewens van landelike gemeenskappe en sodoende ook ’n bydrae tot Namibië se algehele sosioëkonomiese ontwikkeling maak.
“Die uitdagings wat deur landelike gemeenskappe ervaar word, is groot. Met die RuralRevive-inisiatief gee ons gemeenskappe van Maltahöhe hoop vir die toekoms en inspireer hopelik ander gemeenskappe om soortgelyke inisiatiewe te implementeer om hul plaaslike ekonomie te stimuleer,” het Horn gesê.
Ander vennote van die inisiatief sluit in die Maatskaplike Voorsorgfonds se ontwikkelingsfonds asook die Julius Baer-stigting. Vir meer inligting oor die inisiatief kan Reinhold Mangundu by [email protected] gekontak word.
– [email protected]
Kommentaar
Republikein
Geen kommentaar is op hierdie artikel gelaat nie